漁火海鮮刺身火鍋

營業中

休息中

今日收工好鬼頹， 又攰又餓， 係時候擦返餐勁嘅振作一吓。銅鑼灣京都廣場食厦有間靚料打邊爐， 唔係任食嗰種， 質素應該有番咁上下， 記得上openrice book位有85折。餐廳位置8樓全層，裝修以黑色為主調， 卡位座幾舒服，私隱度仲好高。火鍋料有頂級生猛龍蝦，鮑魚，魚生刺身， 時令 活魚刺身。葡坐低就放上調味架， 下隨心選擇各自嘅口味 來調配醬料。 提示， 最後可加上香麻油， 令成碗 醬油更添美味。湯底有八到九款。。 款款足料心機熬製。。 聽咗店員推介， 選了《自家鮮魚清湯底》。果然冇介紹錯（ 因為好多時店舖員工只係介紹貴價湯底）。 魚湯係非常清甜， 唔係齋奶白色勁加胡椒粉嗰種味道， 而係充滿魚嘅鮮味，夠濃厚，清甜， 每人快速K.O一碗， 補一補住家魚湯嘅味道。 完全feel到落足心機用大量魚仔熬煮嘅湯👍👍, 好回味。由開始到食完都冇加過一滴湯， 厲害！ 這款鐵铸造嘅湯鍋極能保住水分， 原汁原味鎖住魚湯嘅鮮甜。先來一個《手拍青瓜》小食。 夠爽脆， 拍得唔太散。 表面灑滿芫茜碎和芝麻， 個汁酸酸地仲帶有少少麻辣， 蒜味和麻油加強一些效果更理想！《雪白鮮鱔片》係全晚最精彩最美味嘅火鍋料。