百味閣餐廳

營業中

休息中

餐廳裝修好有舊香港嘅特色，位置寧靜又唔洗排隊，一入座侍應已經貼心推薦是日餐湯和主菜，態度服務好好，連上菜和餐具次序都好講究，之前黎過都非常滿意，今次翻桌就試吓單點佢哋嘅西餐菜式。一坐低侍應已經過嚟介紹今晚嘅特餐，佢建議我試試佢地既香芒煙三文魚蘋果沙律，煙三文魚厚身而且份量令人十分驚喜，而沙律配料非常多樣，有蕃茄、青瓜、沙律蛋等等，加上各種色彩繽紛嘅生果，清新開胃，食完已經有d飽肚。而主食就叫左青醬堅果意粉，除咗係素食外亦有好高營養價值，意粉上面鋪滿左一條條巴麻臣芝士，淡淡既芝士味又唔會太鹹味，另外仲有各樣堅果，合桃同腰果非常香脆可口，而最令我難忘嘅係意粉拌上既青醬顆粒同橄欖油，馥郁香氣非常特別，配合菠菜同堅果，即使再油膩都唔覺得滯呢間餐廳以依個食物質素同體驗黎講，價錢相當合理。加上菜單選擇豐富，由茶餐廳碟頭飯到西式扒類、甜品都有，好適合情侶或者一家大細聚餐，真係唔知佢哋廚房係點處理咁多食材 🤣 依間可以話係我最喜歡嘅餐廳之一，已經好期待下一次嘅來臨。