影片
更多
2017-12-12
574 瀏覽
西環的百味鮮早半年前都食過一次,記得那次無論海鮮或小菜都係超超超好食!而且價位真係唔貴地方又闊落好座, 木製的傢具超幽雅所以昨天早了放工就拉着老媽子再去吃餐好的了~ 對於第一次來的食客, 門口其實貼了好多傳媒專訪 可以參考吓佢地既首本名菜 個人覺得蟹真係不能不試~ 尤其係避風塘炒蟹真係要試吓 食過都不能回頭~ 除左地方闊大, 乾淨又靚之外 服務員真係非常細心!!! 因為食蟹其間, 我媽食到有啲論盡 窩心既服務員連忙送上乾濕紙巾 又送上檸檬水送洗 又不時來換碟添香茶 態度親切有禮, 個人覺得成餐飯食得好開心! 食物方面, 全部都好好味!! 先來係冷盤- 點左話梅醉豬手- 食落有少少酒味, 問問師傅, 原來落左少少桂花酒, 唔怪得咁香啦~豬手比坊間既大件好多! 皮好厚好滑好彈, 而且無毛! (呢樣好緊要!!!) 肉都好嫩滑, 整體感覺酸酸地涷涷地幾好味! 來呢度點可以唔食蟹~ 呢度既蟹有幾款做法, 由於媽咪有啲感冒, 唔想食辣, 所以叫左黃金蟹~ 上桌時蟹真係唔欺場, 大大碟!!! 黃金即係疍黃, 炒得好入味好好味!蟹好大隻, 所以肉都偏多, 不過最開心係連帶蟹蓋都好多好
西環的百味鮮早半年前都食過一次,
記得那次無論海鮮或小菜都係超超超好食!
而且價位真係唔貴
地方又闊落好座, 木製的傢具超幽雅
所以昨天早了放工
就拉着老媽子再去吃餐好的了~
對於第一次來的食客, 門口其實貼了好多傳媒專訪
可以參考吓佢地既首本名菜
個人覺得蟹真係不能不試~
尤其係避風塘炒蟹真係要試吓
食過都不能回頭~
除左地方闊大, 乾淨又靚之外
服務員真係非常細心!!!
因為食蟹其間, 我媽食到有啲論盡
窩心既服務員連忙送上乾濕紙巾
又送上檸檬水送洗
又不時來換碟添香茶
態度親切有禮, 個人覺得成餐飯食得好開心!
食物方面, 全部都好好味!!
先來係冷盤- 點左話梅醉豬手- 食落有少少酒味, 問問師傅, 原來落左少少桂花酒, 唔怪得咁香啦~豬手比坊間既大件好多! 皮好厚好滑好彈, 而且無毛! (呢樣好緊要!!!) 肉都好嫩滑,
整體感覺酸酸地涷涷地幾好味!
來呢度點可以唔食蟹~ 呢度既蟹有幾款做法, 由於媽咪有啲感冒, 唔想食辣, 所以叫左黃金蟹~
上桌時蟹真係唔欺場, 大大碟!!! 黃金即係疍黃, 炒得好入味好好味!蟹好大隻, 所以肉都偏多,
不過最開心係連帶蟹蓋都好多好多膏!!!! 食落去好重蟹味, 又鮮甜又甘香!
櫻花蝦炒飯 - 出面太涷既闗係, 都叫左個炒飯~ 呢個炒飯都係好好好味!!! 用上疍來炒, 飯粒炒得乾身唔笠, 另外配料超多, 除左大量好脆既櫻花蝦外, 仲有大大隻既鮮蝦仁, 配上香蔥, 好有疍香, 蝦香和蔥香, 份量方面都超多, 每人都可分到碗半左右~
最後點左個日式海苔墨魚卷 - 不要以為中菜館做不出好日菜, 呢個海苔墨魚卷好香脆, 而且用面既墨魚肉好彈牙好有彈性, 食得出係新鮮貨, 再配上好味既沙律醬同埋海苔, 成個口感真係好惹味好正!
百味鮮辣蟹專門店
西環石塘咀德輔道西434號均益大廈1期地下
28171477
26182865
張貼
