養心殿台式養生鍋 (已結業)

今天突然天氣轉涼，所以今日好想打邊爐，突然想起台式火鍋在香港愈開愈多，今次來到以湯底出名的養心殿。【酸菜白肉鍋 / 麻辣鍋】追加酸菜白肉(免費)選了鴛鴦鍋，我點左個酸菜白肉同麻辣。選這2個鍋，可以免費加一份鴨血或酸菜白肉，但我地選左酸菜白肉。個湯底真係真材實料，如果多一份酸菜白肉，個湯底到最後一定會更香濃，岩我呢個食酸野之人。【手切牛肉】手切牛肉都大碟，油花分佈又平均又靚，輕輕淥幾下就可以，很淋又有肉味，正！【蟶子】真的頗為大隻，淥幾秒已經夠哂爽口，超正！【活九孔】非常新鮮灼完之後又夠哂彈牙。【自家製極品水餃 / 芝士牛肉丸 / 鵝肝墨魚丸】每款半份自家制極品水餃，又真係幾好味，入面有木耳、蝦和肉，非常爽口的，唔錯！芝士牛肉丸人手新鮮打成，中間包住芝士做饀料，咸香滋味，牛肉濃郁有咬口。鵝肝墨魚丸夠彈牙，有一小舊鵝肝嚮入面，無欺場喔！