本佐日本燒肉料理 (已結業)

假日同家人慶祝老公生日，book左尖沙咀本佐日本料理，好友推介哩間日本料理，因為可以任食燒肉日式放題兩小時，岩晒我老公，佢鍾意食肉同海鮮，仲有日式熟食同刺身😆大人老人家都岩食！到達餐館，門口同入面都係日系和風裝修，座位闊落，4個人都有兩個爐，貼心👍🏻唔怕唔夠時間燒肉食。入座後侍應示意我地用Ipad點餐，方便快捷，之後為我地送上燒肉拼盤，有小牛排、牛仔粒、雞翼、豬頸肉、雞塊，份量唔少😍小牛排薄身野味，牛仔粒厚切超有口感，雞塊同豬頸肉多肉沒有肥膏😁老公食完話要再追加小牛排同牛仔粒，話實在太好味！我就點左前菜八爪魚同螺肉，三文魚蟹籽沙津，份量足料。哩度刺身鮮味大塊肥美，甜蝦、三文魚刺身、北其貝、帶子、蟹棒❤️壽司方面點左：和牛壽司、火焰三文魚壽司、火焰蝦壽司，每件迷您，一口一件😆爽！海鮮方面點左：海蝦、生蠔、元貝、蜆。海蝦大隻多肉、蜆鮮甜、生蠔同元貝一齊燒住來煮，重牛油味。炸物方面點左：炸蝦、格格脆薯、炸雙皮奶⋯夠熱夠脆😋哩度加多$30，飲品係任飲，酒類飲品仲可以任飲藍妹同清酒🍶，十分抵飲。老公覺得十分滿意，性價比高，無論係熟食定海鮮或燒肉，令人十分回味。