成都老碼頭火鍋 (已結業)

V仔本身唔係太受得辣，朋友K又想辣，老碼頭嘅麻辣火鍋可以令辣同麻嘅愛好者同邊爐友唔辣得嘅朋友都照顧到，大家唔食辣嘅一定要試。V仔試左輕辣，被佢嘅輕麻辣吸引到。回味無窮。六點未夠就已經幾full 下。因為唔係第一次食，之前試左花膠雞，，今次朋友K食得辣，就叫左個輕辣嘅加花膠雞湯。入座時已陣陣麻香，非常之有風味。朋友一口就叫左個輕辣加花膠湯底。兩個人餓鬼上身，叫左好多餸。招牌快子牛肉，麻香椒香加滑滑嘅牛肉係另一種風味。最滿意都係手砌牛頸脊，牛味濃郁，爽口有咬口。朋友K就叫左一批可以吸晒麻香椒辣嘅餸。-淮山，蓮藕片，都十分吸收湯底。食落滋味無窮，椒香麻辣，十分過隱。V仔就比較欣賞佢嘅牛柏葉，鵝腸同鴨血。淥一淥滾一滾，就食得，爽口鮮甜。特別係鴨血，嫩滑入味。兩友條都十分滿足。愛麻椒香，或唔辣嘅朋友都可以滿足到。