影片
更多
2019-06-02
766 瀏覽
偶爾，我同朋友都會去食Omakase，事前唔知有咩食，每次都有唔同驚喜，只需耐心等師傅為我安排。今次嚟UO N，的確有驚喜，有唔少特色嘢、夠創新，唔會成日食白子、冰頭漬……前菜三小格：黑魚子配蝦、金箔海膽梅子麵、合桃波菜。梅子麵有梅嘅清新味道，顏色又靚，配埋金箔同海膽更顯貴氣。隨後係刺身，深海池魚、金目鯛一道接一道。伊佐木放喺咁厚大嘅鹽板上面火炙，帶點焦香又帶點咸味，唔駛再蘸豉油架。中拖羅蔥卷中拖羅超肥美，油脂豐富。帶子、海膽、三文魚籽組合，已調好味，中間夾左紫菜，一次食晒幾種味道。蝦天婦羅食得多，今次一碟有齊四款口味：腐皮、咸蛋、黑松露、原味 ，好有玩味！ 最鍾意係腐皮，散發出陣陣豆香，咬落去特別鬆化又脆口。用左梅麵天婦羅伴碟，好靚呀，好睇又好食。而呢道菜係最突出，燒帆立貝本身係好常見嘅一道菜，師傅諗到將成塊鹽板燒熱再一齊上枱，只要將帆立貝放上去，可以加熱同調味，有得玩又有得食。 之後仲可以放入魚湯泡沫，味道層次即刻倍增。 杯泡沫係用木魚熬製，份外清甜。之後送上柚子冰清清口腔味道，好似法國菜咁，有心思~~燉湯用左幾種菇打成蓉再燉，質地濃稠。 本菇、蟹爪菇、冬菇，仲有原件舞茸，菇味好
今次嚟UO N，的確有驚喜，有唔少特色嘢、夠創新，唔會成日食白子、冰頭漬……
前菜三小格：黑魚子配蝦、金箔海膽梅子麵、合桃波菜。
梅子麵有梅嘅清新味道，顏色又靚，配埋金箔同海膽更顯貴氣。
隨後係刺身，深海池魚、金目鯛一道接一道。
伊佐木放喺咁厚大嘅鹽板上面火炙，帶點焦香又帶點咸味，唔駛再蘸豉油架。
中拖羅蔥卷中拖羅超肥美，油脂豐富。
帶子、海膽、三文魚籽組合，已調好味，中間夾左紫菜，一次食晒幾種味道。
蝦天婦羅食得多，今次一碟有齊四款口味：腐皮、咸蛋、黑松露、原味 ，好有玩味！ 最鍾意係腐皮，散發出陣陣豆香，咬落去特別鬆化又脆口。
用左梅麵天婦羅伴碟，好靚呀，好睇又好食。
而呢道菜係最突出，燒帆立貝本身係好常見嘅一道菜，師傅諗到將成塊鹽板燒熱再一齊上枱，只要將帆立貝放上去，可以加熱同調味，有得玩又有得食。
之後仲可以放入魚湯泡沫，味道層次即刻倍增。 杯泡沫係用木魚熬製，份外清甜。
之後送上柚子冰清清口腔味道，好似法國菜咁，有心思~~
燉湯用左幾種菇打成蓉再燉，質地濃稠。 本菇、蟹爪菇、冬菇，仲有原件舞茸，菇味好香濃 。
拖羅蓉卷、鱆紅魚壽司、燒三文魚包菜卷、燒拖羅壽司，夠晒飽肚。
黑松露帶子用左黃色豆紙包住，賣相有啲似燒賣，少少辛辣又帶點黏口，第一次食，有趣！
甜品環節係炸有機香蕉同紅豆蓉年糕，再配埋冇酒精嘅dessert wine。
全晚食左好多道菜，高質又創新，好有驚喜，回味中！！！
張貼
