犇之食堂 (已結業)

去完誠品，就系銅鑼灣附近漫步，行到白沙道就比依間鋪頭吸引左目光，系唔同商樓大廈同埋名店之間。有一間打住昏黃色燈光既鋪頭，旁邊掛住一個犇，我地偽文青二人組，當然就系外貌協會，睇到依間鋪既外表 就即狗沖入去！諗唔到外表甘出色，而內在一樣唔輸蝕，鋪頭裝修走和式臺灣復古風，店鋪既牆掛滿一幅幅既臺灣舊式廣告。坐低左唔單止裝修充滿臺灣風情，連員工好多都系臺灣人，甚至連價錢都充滿人情味既平～入到來～好似去左臺灣既一間小店甘。享受依到環境之如，當然唔少得就系懷緬臺灣既味道！今次叫既每一道都充滿臺式風味～招牌黃金泡菜 $28，臺式泡菜相對韓國泡菜，味道較清淡 同 酸味較少更容易入口～店家既泡菜應該加入左生果帶左微甜既果香味！犇之三寶面 $86牛牛牛就系牛肚、牛筋、牛腩，而臺灣面最大既特式就系紅燒湯底，香醇既藥材香味、混合、微辣既辣油，加埋蛋香味十足，又彈牙既面底，相當暖胃～同好食！宜蘭鹽酥雞鹵肉飯 $68有唔少人都怕炸雞過多味粉，而店家既調味剛好，只裹果一層薄薄既粉漿同埋味粉，惹味而不油膩，又不會過鹹。而我好鐘意店家既鹵肉飯，飯底是珍珠米，再灑上一層鹵肉，鹵肉半肥瘦，香而不油膩，一碗飯就被我地吞左落肚！