四季椰林海南椰子雞 (MOKO新世紀廣場)

營業中

休息中

呢幾日開始轉涼，又係打邊爐嘅好時候🤭今日就去新世紀試下椰子雞煲，呢間店係大陸已經有超過60間分店，而呢間就係香港嘅首店🤗醬汁方面有沙薑、辣椒、柑橘配醬油，沙薑同辣椒令醬油更惹味，而柑橘就令成個味更清新😋呢個雞煲就不得了啦，湯底係用四個椰子水，一滴水都冇加架！🥥🥥🥥🥥而且用嘅雞仲係海南文昌雞🐓巴閉就巴閉在佢地嘅文昌雞係山林放養，食落緊緻得嚟唔會靭，皮薄嫩滑，淥5分鐘即刻食得🤤文昌雞吸晒椰子味超正😋香辣魚皮🐟等緊個煲滾淥緊文昌雞嘅時候都要搵啲嘢食下開動咗先，香辣魚皮夠晒開胃，青瓜爽口魚皮就更加爽彈，辣辣地勁開胃🤤手打虎蝦滑🦐蝦滑超彈牙🤩而且每一啖都食到蝦肉，而且蝦肉冇打到好爛，仲食到粒粒蝦肉tim🤤選用黑虎蝦，仲寫明蝦肉含量>90%，絕不欺場😌火山肥牛🐂擺盤好特別，好肉佢個名成個火山咁🌋半肥瘦嘅牛肉淥熟後冇乜肥膩感，而且仲好有牛肉味🤤九秒毛肚🐂毛肚淥九秒剛剛好💪🏻毛肚食落非常爽口，連我唔係太中意食內臟嘅人都食到停唔到口🤭芋頭🥬芋頭好快就淥得淋，好夠軟糯好夠粉，配埋柑橘豉油真係好正🤤萵筍🥬萵筍夠甜夠新鮮，唔好淥太耐，爽爽地食又清新又解膩😋皇帝菜🥬原來皇帝菜打邊爐都係好正，不過要注意一