囍筷 (已結業)

前排工作關係响銅鑼灣，朋友介紹有間叫囍筷的台灣便當小食店幾好食，於是經開順便買兩個外賣便當，估唔到真係好有驚喜！😍呢間小店只有幾個堂食bar枱位，主打做外賣，咁啱我又想食台灣嘢就即管去試下，我同朋友叫左鹽酥雞便當同埋台式紅燒牛肉飯便當。講真兩個飯都好食過好多台灣餐廳。😆個鹽酥雞便當入面啲鹽酥雞超有台灣風味，而且又有糖心蛋，飯係配滷肉飯，配菜又有西蘭花同埋超好味嘅台式茄子。😋台式紅燒牛肉飯入面嘅牛肉就炆得好冧而且個牛味好重，食得出台灣滷汁喺入面，真係食過返尋味。😋最後想提滷肉飯，因為佢d肉唔係一粒粒肉碎而係五花腩切細而成，五花腩亦都係入曬滷水味，令我食個飯食得好開胃，所以去開銅鑼灣，可以試下囍筷。除便堂小食外，當然唔少得台式飲品，我哋配咗四季春和台式奶式，好有茶味亦唔過甜。👍