好客來餃子店 (已結業)

嚟到太子醫肚，但又唔想吃太飽，吃餃子就最理想不過，原先打算行去大南街找那馳名餃子店，途中見到這間好客來小店，就被店名吸引，話明好客來，嚟親都係好客⋯⋯反正這店未試過，試吓又何妨。簡單餐牌一眼望晒，向店員落單後，眼見隔離鄰桌都是即點即煮，所以就四周觀察⋯⋯牆上面細心解釋餃子的由來，細看之下，據說相傳有位張仲景醫師，因為傷寒疫情之下，醫師造福人民，大鍋煮了一些祛寒藥物加入羊肉、辣椒煮熬，再用麵皮包著，形狀像耳朵，因而得名”嬌耳”, 據說後世人為了彷效這位醫師，餃子因而其來⋯⋯看完又知多一點點:冬至不吃餃子碗，凍掉耳朵沒人管。初一餃子、初二面，初三合子團鍋轉。在這細節位，看出店子有心思。每桌都放著筷子、調味醬油、菜脯及紙巾這裡的菜脯都幾特別，除了辣椒、菜脯外，還有粟米及紅腰豆，但味道扁鹹及辣，但放入湯餃尚可接受。另外值得一提是，店員很有禮貌，要求熱水，當端上枱時會細細聲提醒:小心熱呀！一讚鮮肉香芹湯餃$32/7隻~等了差不多15-20分鐘，明顯地即點即煮，熱騰騰就是喜歡這感覺，雖然湯底未算精彩，但每隻餃子都算豐富。整體來說:即叫即煮有誠意，店員客氣有禮，難怪吸引附近熟客。