影片
更多
2023-04-10
144 瀏覽
《#中伏記 - 雞肉生食?！ 》咁啱平日去開香港大學站附近，記得呢頭新開咗呢間玩味餐廳，果然唔駛等位直上二樓，平日食打卡餐廳唔駛等位係正嘅！成間餐廳行神秘英國古堡風，即係好似迪迪尼嘅迷離莊園咁，每個角落都好啱打卡，特別係呢條長樓梯，睇得出裝修好有心思。我地叫咗兩個lunch set, $1xx@ 包餐湯同野飲，價錢唔錯嘅，可惜食物質素真係麻麻，errrr, 甚至可以係話....唔食得入口，唔解咁講呢？請繼續睇落去。。。我地其中一個主菜，就係職員介紹嘅呢個salted egg yolk grill chicken (咸蛋黃烤雞），賣相唔錯㗎，可惜係....唔。熟。架！！D肉仲係粉嫩粉嫩嘅生肉嚟架，有相為證 -- 呢張相好清楚睇到D 肉仲係透明色，仲係黏住骨頭根本切唔開，唔係普通雪雞會出現果D血紅絲。。。重點 -- 以上呢張相，其實已經係我地同職員反映後，佢哋幫我地拎入去再焗咗10分鐘先影㗎，即係佢地焗完再焗，都未係熟得晒！我地再問職員，得到個答案係「雞脾位係難熟D」, 然後佢就走開咗。。。大佬啊，雞肉係唔可以生食架喎......會有食物安全問題架喎！！結果基本上我食晒D 薯仔就走，飽都未
咁啱平日去開香港大學站附近，記得呢頭新開咗呢間玩味餐廳，
果然唔駛等位直上二樓，
平日食打卡餐廳唔駛等位係正嘅！
成間餐廳行神秘英國古堡風，即係好似迪迪尼嘅迷離莊園咁，
每個角落都好啱打卡，特別係呢條長樓梯，睇得出裝修好有心思。
我地叫咗兩個lunch set, $1xx@ 包餐湯同野飲，
價錢唔錯嘅，可惜食物質素真係麻麻，
errrr, 甚至可以係話....唔食得入口，
唔解咁講呢？請繼續睇落去。。。
Salted egg yolk grill chicken (咸蛋黃烤雞）
1 瀏覽
1 讚好
0 留言
我地其中一個主菜，就係職員介紹嘅呢個salted egg yolk grill chicken (咸蛋黃烤雞），
賣相唔錯㗎，可惜係....唔。熟。架！！
D肉仲係粉嫩粉嫩嘅生肉嚟架，
有相為證 -- 呢張相好清楚睇到D 肉仲係透明色，仲係黏住骨頭根本切唔開，唔係普通雪雞會出現果D血紅絲。。。
Salted egg yolk grill chicken (咸蛋黃烤雞）
2 瀏覽
0 讚好
0 留言
重點 -- 以上呢張相，其實已經係我地同職員反映後，
佢哋幫我地拎入去再焗咗10分鐘先影㗎，
即係佢地焗完再焗，都未係熟得晒！
我地再問職員，得到個答案係「雞脾位係難熟D」, 然後佢就走開咗。。。
大佬啊，雞肉係唔可以生食架喎......會有食物安全問題架喎！！
結果基本上我食晒D 薯仔就走，飽都未飽，連卡都無心機再打。。。
所以呢，呢間我就無下次喇。。。
張貼
