影片
更多
2025-07-25
114 瀏覽
放工又帶小編爸去覓食今次搵咗位於中環威靈頓街嘅一間西班牙餐廳食晚飯餐廳雖然唔係好大但keep 住有客人來食好喜歡橙色撞黑色同白色嘅格局我哋揀咗三樣嘢+一個甜品西班牙千層薯、地三鮮店員好細心介紹呢道西班牙東北菜係用咗地三鮮（茄子、青椒、薯仔）來製作三款濃郁嘅醬汁，放喺多層薯片上整成呢個千層薯酥。薯仔每塊薄切，食到質感同薯香，三鮮醬打得綿滑、每個味配埋薯酥食均能提鮮而又有唔同口味，好特別。綠椰仙蹤呢個上菜時成幅畫咁靚，主角係BB椰菜同椰菜花。菜蔬好新鮮，天然烤熟，蔬菜味好突出。配上Romesco醬(一種源自西班牙加泰隆尼亞地區的傳統醬料) 烤紅椒堅果醬同開心果乳酩醬來食各有特色同風味，前者食到微微辣+nutty味；後者食到開心果香同少少酸奶味，好開胃。黑毛豬叉燒西班牙燴飯 (Iberico Char siu Paella)原本小編爸係想叫西班牙最出名嘅西班牙龍蝦海鮮燴飯，但店員介紹咗不如試店嘅招牌飯就係呢個黑毛豬叉燒西班牙燴飯。我地覺得好新鮮，點解招牌會係用黑毛豬叉燒做主角嘅燴飯所以就一試究竟。首先一上個飯就色香味俱全啦，廚師好巧妙咁用咗港式叉燒嘅醃法嚟煮西班牙黑毛豬，半肥瘦叉燒燒得色澤吸
今次搵咗位於中環威靈頓街嘅一間西班牙餐廳食晚飯
餐廳雖然唔係好大但keep 住有客人來食
好喜歡橙色撞黑色同白色嘅格局
我哋揀咗三樣嘢+一個甜品
西班牙千層薯、地三鮮
店員好細心介紹呢道西班牙東北菜係用咗地三鮮（茄子、青椒、薯仔）來製作三款濃郁嘅醬汁，放喺多層薯片上整成呢個千層薯酥。
薯仔每塊薄切，食到質感同薯香，三鮮醬打得綿滑、每個味配埋薯酥食均能提鮮而又有唔同口味，好特別。
綠椰仙蹤
呢個上菜時成幅畫咁靚，主角係BB椰菜同椰菜花。菜蔬好新鮮，天然烤熟，蔬菜味好突出。配上Romesco醬(一種源自西班牙加泰隆尼亞地區的傳統醬料) 烤紅椒堅果醬同開心果乳酩醬來食各有特色同風味，前者食到微微辣+nutty味；後者食到開心果香同少少酸奶味，好開胃。
黑毛豬叉燒西班牙燴飯 (Iberico Char siu Paella)
原本小編爸係想叫西班牙最出名嘅西班牙龍蝦海鮮燴飯，但店員介紹咗不如試店嘅招牌飯就係呢個黑毛豬叉燒西班牙燴飯。
我地覺得好新鮮，點解招牌會係用黑毛豬叉燒做主角嘅燴飯所以就一試究竟。首先一上個飯就色香味俱全啦，廚師好巧妙咁用咗港式叉燒嘅醃法嚟煮西班牙黑毛豬，半肥瘦叉燒燒得色澤吸引，入口唔韌且帶點油香，有港式叉燒醬嘅甜味同焦香，亦跟黑毛豬本身豬肉味較濃而相互融合，好食！西班牙飯底則用咗番茄湯、茄肉、洋蔥、藏紅花等香料來燴熟，配合黑毛豬散發嘅油脂一齊食，少少酸味可以開胃亦能解膩，面頭仲加左炸豬皮、蒜蓉醬同秘製醬汁仲有飯焦撈埋一齊食更添口感，係一道聰明好味嘅fusion菜。
腐乳巴斯克芝士蛋糕
又一道fusion菜，用港式腐乳mix西式cream cheese 來製作呢道甜品出奇地夾，2款食材都自帶種獨特嘅咸香味，混埋紅莓醬酸甜一齊食好得意。
Latte 小編爸飲覺得好滑同咖啡好香醇
總括黎講呢間西班牙fusion餐廳keep住人來人往係有佢嘅優點，環境整潔舒適、店員好有禮貌同耐心為每道菜作講解、廚師獨有嘅諗頭、創新同保持色香味俱全...下次再見。
張貼
