弘 CHIRASHI (已結業)

早排睇電視見到日本有兩層魚生飯，但去到日本又太多野要食，冇機會食到。而家終於機會黎啦！飛雲！一知道香港都有得食兩層魚生飯，就即刻打電話book 位同男朋友去試。好彩有book位咋，就算book 左都要等一陣！我叫左呢個極上丼上一層嘅刺生夠新鮮，極鍾意食海膽嘅我最怕海膽臭，呢個有六粒海膽，雖然係細粒左啲，但一啲都唔臭，仲非常鮮甜下層的蟹膏好鮮味！正男朋友非常大食，佢一口氣叫兩個丼自己食！佢都表示好滿意！不過環境就一般，餐廳好細，每張枱都貼得好近。而且吧枱亦都會俾客人食飯用，不過吧枱有啲高，如果喺嗰到食飯，隻手都應該會唔舒服。當晚我地被安排左一張對住廚房同廁所門口嘅枱，真係有啲影響胃口。