影片
更多
2017-08-28
84 瀏覽
#真心戒唔到口#hotpot #打邊爐 #火鍋打風係日係屋企發霉後，即刻要出街解脫一下！相約姊妹到灣仔食好些❤️一出𨋢見到個魚缸，加埋燈光效果，以為自己入左水族館，眼前一亮👀經過接待處，入到大廳，感覺就好似入左個中式晚宴既地方，有燈籠、方形木椅，氣派十足🙊不過坐低後見到貝殼馬賽克紙巾盒、印度製既蠟燭杯，crossover 得黎又唔太over👍🏼餐牌好靚，但唔記得影低。我哋四個人叫左好多野😂我哋揀左鐵觀音茶，茶味清香，好清純。（茶茗@$8/位）仲有席前水果，好少中式餐廳係餐前生果😍好窩心的預備！（@$15/位）*鍋底揀左4色鍋（$168）：廚師話人生有甜酸苦辣，所以希望客人係享受食物既當中，都可以品嚐到人生的經歷，真的好有心，帶出的意義好令人感觸。甜：蕃茄大蝦湯，味道好似舊式快餐既茄汁，配豬肉、珊瑚蚝幾正酸：酸菜筒骨湯，超多酸菜，筒骨好好味（最配合到所有的食材，魚就最正）苦：苦瓜湯，苦瓜甘甜，煮菜係一流辣：麻辣夠香濃，唔算好麻，配牛肉就一流*精選牛肉拼盤（$368）：牛𦟌-估唔到牛𦟌係可以咁爽脆，食唔停口❤️厚切肥牛-肉質鮮美多汁，牛味十足安格斯牛柳粒-係新鮮既，但可能我控制唔到煮熟既時候，
#真心戒唔到口
#hotpot #打邊爐 #火鍋
打風係日係屋企發霉後，即刻要出街解脫一下！相約姊妹到灣仔食好些❤️
一出𨋢見到個魚缸，加埋燈光效果，以為自己入左水族館，眼前一亮👀
經過接待處，入到大廳，感覺就好似入左個中式晚宴既地方，有燈籠、方形木椅，氣派十足🙊不過坐低後見到貝殼馬賽克紙巾盒、印度製既蠟燭杯，crossover 得黎又唔太over👍🏼
餐牌好靚，但唔記得影低。我哋四個人叫左好多野😂
我哋揀左鐵觀音茶，茶味清香，好清純。（茶茗@$8/位）
仲有席前水果，好少中式餐廳係餐前生果😍好窩心的預備！（@$15/位）
*鍋底揀左4色鍋（$168）：廚師話人生有甜酸苦辣，所以希望客人係享受食物既當中，都可以品嚐到人生的經歷，真的好有心，帶出的意義好令人感觸。
甜：蕃茄大蝦湯，味道好似舊式快餐既茄汁，配豬肉、珊瑚蚝幾正
酸：酸菜筒骨湯，超多酸菜，筒骨好好味（最配合到所有的食材，魚就最正）
苦：苦瓜湯，苦瓜甘甜，煮菜係一流
辣：麻辣夠香濃，唔算好麻，配牛肉就一流
*精選牛肉拼盤（$368）：
牛𦟌-估唔到牛𦟌係可以咁爽脆，食唔停口❤️
厚切肥牛-肉質鮮美多汁，牛味十足
安格斯牛柳粒-係新鮮既，但可能我控制唔到煮熟既時候，有啲實淨既感覺
宮崎A5和牛-一致好評，入口鬆化，軟熟👍🏼👍🏼
*鍋物上級海鮮拼盤（$368）
因為打風既關係，原本既配搭有出入，但因為我對帶子、大蜆、珊瑚蚝、桂花蚝都情有獨鍾，所以都照叫！
全部都好鮮甜，係刺身級的質素，就算要任何一個湯底，都遮蓋唔到食材本身既鮮味👍🏼👍🏼👍🏼🎉大讚😍差不多我一個人都清左一半😂
**清酒黑豚肉（$158）
超級有驚喜的，一塊塊黑豚圈成一朵朵花的模樣，中間有杯小小的酒，下鍋前把滿有光澤的豬片放入酒杯吸收香醇的清酒，真係估唔到輕輕的一浸，清酒黑豚既味道可以融合得咁出色！必試👍🏼👍🏼👍🏼👍🏼
*鵝肝墨魚丸（$108）
係另一值得試的一個食材👍🏼大大顆、超彈牙的手打墨魚，包住香濃肥美的鵝肝，感覺就好似醬爆丸子的感覺，但不油不乾的口感，味道齒頰留香，使人回味三分😌❤️
*脆肉鯇（$68）
厚切大大件，數量唔少，不過啲骨有啲痴肉，係抵食既
*黑腐竹（$38）
以黒豆制成的黑腐竹，質感比一般的硬淨，但當吸收曬湯的精華，也不會蓋過黑豆的獨特味道👍🏼
仲有蔬菜拼盤（$88）、菇菌拼盤（$98），都好新鮮、季節限定的，每一次都會有唔同配搭😁
配埋個自家制足料竹䉀茅根，全個晚宴都圓滿結束❤️有宮廷式的享受😌真心飽都唔想郁😆下次要叫多啲朋友，試多啲唔同食材☺️
張貼
