新旺記小菜打冷茶餐廳

真係又係我﹗可能呢度真係唔係住得就近都唔會來，不過我就總是每隔三兩個月就想食佢的蠔仔粥一次﹗所以搭車過來﹗

奧運時份，呢間野竟然走去播無線0個套咩貓與狗，有冇搞錯﹗睇亞視先係嘛﹗

坐低唔洗諗點番支獅威先﹗11蚊支抵飲﹗

蠔仔粥是主菜，蠔仔夠多夠香，潮州粥食落米身粒粒分明有口感，只係二十蚊一大碗，去邊到搵？

今次試左條凍烏頭，自少就以為烏頭是不腥的魚點知呢次食落好鬼腥﹗愛魚的工友都話頂唔順，唔通唔太新鮮？

墨魚紅腸是必叫的，三十幾蚊大大碟，用來送啤酒一流﹗

獅威

凍烏頭

墨魚紅腸

蠔仔粥