新旺記小菜打冷茶餐廳 (已結業)

來到新旺記打冷已經是晚上10人流不算多應該做街坊生意多我們四人叫了一碗豬紅、蠔仔粥、煎蠔餅和"老"水拼盤豬紅很大碗，好香，但本人不好豬紅，無評價蠔仔粥，超好食，好多蠔仔，粥水好解甜加上芫茜味，很有鄉下的味道煎蠔餅，應該是炸蠔餅，好脆，好多好多蠔，好似SO炸蠔"老"水拼盤，好地道的潮州風味，"老"水鵝，五花腩、豆腐.........埋單每人只要55，抵食…查看更多

是日大年初三, 赤口, 不宜拜年, 所以可以同老公拍下拖, 當然, 新年唔想煮, 出街食又難搵食, 唯有早d出嚟, 之前食過呢間d套餐都幾抵食, 行過見佢有開, 而且仲有卡位, 就入去坐低, 點知先發現個餐牌唔同咗, 呢個係專for新年的新年menu, 仲要冇哂餐, 得返d指定小菜, 最仲要係下面果句"新春期間, 加一服務", 嘩...........d小菜個價錢已經比平時貴, 仲要加一, 真係好過去搶, 但既然坐低咗, 又洗埋碗, 貴d就貴d啦~求其叫兩個小菜+1個粥就算~   蒜香骨原來係炸豬扒碎上, 面頭加d炸香咗的蒜茸, 係就係熱氣d, 但好彩唔係炸得太過火, 只係d豬扒唔夾住d炸蒜茸食, 就唔係蒜香骨囉~   斑腩茄子煲好似好熱辣辣, 但其實只係個煲熱, d餸係暖的, 而且好油, 斑腩的炸粉亦好厚, 所以食到底果d都冇食, 因為實有太油lu~  蠔仔粥比平時好似少咗d蠔仔, 飯亦少咗, 所以可以清哂, 就算清哂都好似唔覺飽~今日真係超多人, 好彩早到有位, 同埋舖頭未咁忙, 都搵到人招呼, 我地之後嚟果d, 基本上等叫餸又等一輪, 而且好多錯單, 如果我地唔對單, 都收多我地十蚊, 亞哥解釋話記錯價錢wor~到最後比錢時, 唔知係收錢果個亞姐唔記得收加一, 定係初三唔駛收加一呢? 最終都係冇收加一, 我當然唔理啦~ …查看更多

去打冷的地方，越是地茂，我就越歡喜，因為越地茂，才能夠吃到風味。今次選擇的打冷地方不是我選擇，是朋友推介。其實打冷目的是在於和朋友吹吹水，啤一啤。今次叫了鹵水鴨掌及鹵水鵝片，還有大眼雞，當然不少得啤酒及汽水。老實說從來未吃過這麼入味的鴨掌，鴨掌裏的每行間，也吃到鹵水的味道， 又不是炆到淋淋的，帶一點口感，推介是也。可惜鹵水鵝片不夠入味，味道到較淡，肉質還可以吧。大眼雞價錢不便宜，好像要過百元，味道不差，但不屬於很高的質素。…查看更多

已經好耐冇嚟呢頭食嘢, 唔知變成點, 但突然想食蠔餅, 於是又嚟~開頭諗住散叫, 但見佢d二人套餐只係$178, 又有想食的蠔餅同打冷都叫貴的大眼雞, 於是就叫個套餐算數~  凍大眼雞二人套餐都預咗唔會係大條, size都剛有一隻碟咁大, 肉地就唔夠厚肉, 但肉質都算新鮮, 唔會霉  蒜茸炒生菜呢個基本上係油浸生菜, 成碟又油又水, 又唔似炒過嚟咁, no good  煎蠔餅煎得好香, 而且d蠔仔又夠多又夠大隻, 最重要係唔腥同冇蠔殼, 但一定要趁熱食  紅燒豆腐煲 :(完全唔得, 如果夏天我一定唔會叫, 因我怕d豆腐放得唔好會變壞, 但諗住而家已經秋涼唔怕, 不過我都覺得好似有dd酸味, 但唔係好勁, 老公話唔係好覺, 以為係d汁, 但食多一兩舊都話覺得有少少, 都係唔好食哂~  白粥淡如水的白粥, 但用嚟送一d多汁的餸就正…查看更多

沙田河畔好多食店...而且泊車都好方便...好多時收工都去食消夜...今次第一次幫襯新旺記...炸蠔餅新鮮出爐熱辣辣...不過略微油得滯...可以話係大排檔嘅特色...炒通菜冇乜嘢特別...一貫水準...跟餐滷味好抵食...餸飯一流...我最鍾意滷味豆腐!!!當日口淡淡唔想食飯...跟餐叫咗個豬頸肉烏冬...雖則有點格格不入...大牌檔黎講算係唔錯...起碼食完唔係好口渴...味精唔算太重手...有機會再來...我想試試煲仔飯...不過睇怕都要等到出年啦!!!…查看更多

It was raining cats and dogs that day and basically my friends and I were desperately hopping around the area trying to get a table to avoid the rain. Every restaurant was super packed in this small complex village, and after careful consideration (and long waitings), we ended up at this local Chiu Chow restaurant. We waited for approximately 10 minutes before we were ushered to small table in the middle of the restaurant by one of this rowdy waiters. Again, I was surrounded by patrons just inches away from me--literally inches because the people from the next table can actually touch my arm whenever she lifted her chopsticks. Since beggars can't be choosers, so we just had to focus on the food and enjoy the meal (even though it was really REALLY packed). :( To be fair, the place smelled amazing. When you walk in, you can smell the flavours of old soy sauce and the fried food just wifting in the air (I was starving). It really helped build an appetite for everyone.Being in a Chiu Chow restaurant, there's no way we wouldn't try the sliced duck and I loved it! Tender and very well seasoned because the flavours were actually seeped into the duck--rich soy and spices. This was definitely the best dish of all (not to mention the tofu really absorbed the sauce as well). The Salad Rib was alright for me because it just-had-too-much-mayo on it. The ribs were freshly fried and super hot (if it were just the ribs alone, the dish would've been so much better), but I only had a taste and let it go. Not much flavour to comment here since it's only mayo. :(The oyster congee was okay because it had a lot of MSG in it. I was so thirsty after eating it that I had to down 2 glasses of tea to get that salty and artificial flavour out of my mouth. Not to mention, the appearance wasn't too appealing because they didnt sift the surface of its residues. I think I had the most Seawood and Tofu soup because it was the only thing that tasted like its supopse to. Very fragrant of seawood and lots of eggs, but again, the MSG really killed it and I got thirsty again. The veggie tasted nice too because the roasted garlic really enhanced its flavour. Kudos for this dish :)Everyone devoured the steamed fish with black bean paste. I, myself is very snobby about fish, but this tasted fresh and absolutely gorgeous! The black bean paste enhanced the flavour of the fish and took away that fishy odour all together. LOVE! Overall, this local Chiu Chow restaurant was alright. If the service there was a bit better, the place wasn't as packed, and their food didn't have as much MSG, then I wouldn't mind coming back again for the fish.…查看更多

今晚都算凍凍地, 但都要食飯架, 所以叫咗1個粥+1個煲+1碟炒嘢, 全部都要快手快口趁熱食, 因為凍得好快lor~~ 蠔仔粥一上枱果陣熱辣辣, 即刻分落碗仔落食, 係就係有少少辣口, 但呢d係趁熱先好食~~ 可能夠熱, 令到d芫茜好香, 又食唔到蠔仔有腥味, 真係好正~~ 生炒骨又係熱辣辣脆卜卜, 但當佢一凍果陣, 就會即係漿住咗, 好似食甜果隻脆麻花咁~~ 茄子班腩煲上枱仲見到d汁好似火山咁爆緊, 但忍唔住手即刻夾番舊入口, d班腩好肥仔, 似門鱔咁, 而d茄子就趁佢仲有乾身時快食, 因為茄子係超吸油, 熱食時你冇咁覺, 但一凍咗就會feel到好油, 食到底, 你就會見到d油, 但佢呢度算整得乾身, 唔算多油~~ …查看更多

記得次次嚟食都好似食差不多的餸, 唔通真係冇乜選擇 定係我地太喜愛食呢 因為今次叫4樣餸, 有一半都曾經食過, 但的而且確係幾好味, 係值得回味的~ 蠔仔粥平時我係食乜都走青, 但食蠔仔粥唔知點解又會食埋佢D青, 真係好神奇, 唔知係咪驚D蠔仔腥, 所以食埋佢D芫茜蔥呢我地2個人叫1碗已經好足夠, 每人都分到2-3碗仔, 正所謂少食多滋味, 呢度D飯同粥水比例好啱我, 唔會太水, 又唔會太飯, 不過今次D飯煮得唔好好, 唔係全部粒粒分明, 有幾舊飯沾埋一齊, 但味道好好, 一D都唔腥, 而且有時唔係蠔仔, 係中蠔, 不過對我嚟講冇乜所謂, 中蠔仲好咬口........ 黃金脆瓜茄子即係由黃金蝦變出嚟, 上次食係切條, 今次係切粒, 我都係鍾意切條多D, 可能第一次印象永遠係難忘同值得回味...............呢味餸一定要趁熱食, 凍咗個外殼會UN, 冇咁好食, 而且熱辣辣果陣果D蛋黃係香好多架~~~ :) 椒鹽九肚魚已經好耐冇食, 自己又好難煮, 所以都係出街先會食, 呢味餸又係要趁熱食, 其實差不多全部炸嘢都要趁熱先好食, 但我麻麻地佢呢個炸漿, 唔夠脆口, 可能厚粉咗, 但基本上都係唔錯, 點埋喼汁就最正~~ 薑蔥魚頭煲開頭諗住叫咗2個熱氣餸, 叫番個魚冇咁熱氣啦~ 但到上枱先發現, 魚頭其實都要先炸過, 走走油先煮, 所以今晚4樣餸有3樣都係熱氣................成個餸的主角唔係魚頭, 其實係薑蔥, 雖然我唔食, 但佢D香味令到個魚頭同成煲嘢都好香好好味.........個魚頭炸到好脆, 連骨都可以食埋.........值得一讚係佢唔油, 出面酒樓/大排檔果D, 你食完之後會見到個煲底成吋油, 但佢係冇乜, 差不多冇咁濟~ …查看更多

上次食過D套餐都OK, 今次試下散叫, 其實價錢差不多, 只係冇送飯/粥, 2個人都係百零蚊, 唔貴丫............最緊要食物味道都唔錯, 有大排檔的鑊氣, 但一D都唔油膩~~ 今次叫咗3個餸1個粥, 竟然KO哂!! 其實因為樣樣都唔飽肚啫~~~ 炸乳鴿炸得唔會過火, 但隻乳鴿本身肥咗d, 好多肥膏, 好彩d肉好嫩滑 蠔仔粥蠔仔好少, 而且真係好蠔仔, 細細粒, 味道可以, 如果多d料會仲正 黃金雙蔬原來同黃金蝦一樣, 係包一層鹹蛋黃, 佢用咗脆肉瓜同茄子, 先將2種瓜泡一泡油, 然後再同d鹹蛋黃炒埋一齊, 好正, d瓜又唔會太林, 又唔太實, 炸到脆口, 但唔會乾身, 鹹黃面又好夠味, 不過冇過鹹 豉椒炒蜆唔太辣又唔太鹹, 但d蜆細隻咗d, 而且間中有d沙…查看更多

一家人懶得煮，就落街食飯本身諗住食隔黎南記(粥店)，但南記裝修，就去左新旺記第一次食環境都係一般茶餐廳格局，有點迫由於個時咁岩有食環黎洗太平地所以露天位全部都收起晒，搞到所有人迫晒係店入面點左一個套餐，方魚肉碎粥同埋西芹雞柳套餐叫左煎蠔餅、煎倉魚、油麥菜蠔餅超大份量~ 都幾好味，可惜食唔晒油麥菜份量都多，都抵食條煎倉魚就真係..乾爭爭，炸過龍，冇晒肉既，冇野食方魚肉碎粥我自己麻麻地，因為有胡椒粉...><"西芹雞柳好食~…查看更多

原本諗住食附近果間雞粥, 但要等位, 所以周圍行下, 睇下有乜好食而又唔駛等位的, 行咗1個圈, 見到呢間坐門口的人飲熱維他奶, 我地又想試下打冷飲熱維他奶的味道, 所以入去試下.....................入到入面雖然冇卡位, 但仍有3張小圓枱, 於時選咗其中一張坐低叫嘢食.................見到呢度有2人餐, 入面D餸又OK啱食, 所以唔再傷腦筋去諗食乜, 直接叫個2人餐.............啱啱叫完餸, 就有張卡位走, 當然即刻要求調過去坐啦~~~ 伙計即刻幫我地搬位, 之後D餸上枱都冇上錯, service一流................ 鹵水鴨我地果碟係脾位呀!!! 不過又搭d好肥的部份, 所以都唔係好着數.............haha~~~ 佢d鹵水汁味道調得幾好, 唔會太鹹, d鴨肉又幾嫩, 至於墊底的有豆卜+大豆芽菜, 如果有埋豆腐就好lu~~~ 白粥覺得其餘即係湯飯, 不過呢個係潮州粥的特色, 用嚟清清腸胃都唔錯 沙爹金菇牛肉煲對於我呢個唔食得辣的人嚟講都唔算太辣, 上枱時d汁仲係滾緊, 非常熱辣辣~~佢唔係用肥牛, 係用普通牛肉, 所以冇咁滑, 但就會冇咁肥膩成煲嘢煲得幾入味, 無論係牛肉定係洋葸都唔錯煎蠔餅唔算好厚, 但好鬆脆, 感覺上唔會太粉漿, 蠔仔就真係蠔仔, 唔會有大蠔出現, 不過最緊要都係d蠔仔乾淨, 食唔到有沙~~ 蒜茸炒娃娃菜炒得好香, 雖然望落好油, 但食落又唔多覺好油,而且炒得好林好有蒜茸味, 正!!! …查看更多

很久沒來新旺，呢晚來支持一下﹗睇一睇餐牌，見到新旺多左套餐，有二人餐及四人餐等，睇落都幾抵食，但由於之前已食過野既關係，都係小點為妙﹗要了個晚飯孖寶，乳鴿拼蠔仔粥，再加多個蟹肉扒豆苗﹗豆苗新鮮亦鮮甜，不過0個0的所謂既蟹肉，竟然食到有殼，仲要無鹹無味，就咁俾個豆苗我真係無咁嬲﹗乳鴿大隻可以兩個人分，熱辣辣，外皮夠脆，肉質雖有少少O鞋亦收貨﹗但最不快的是今日的蠔粥差了，之前我一向都好推介呢度既粥夠味又鮮美，今次來到的卻相反，蠔仔唔新鮮，味道亦唔夠，潮州粥煲得太綿，無左粒粒煙韌口感，失望啊﹗新旺記始終都係我的心水餐廳，無理由唔俾多次機會佢，希望下次可吃到之前的味道吧﹗…查看更多

睇完煙花11:30pm搭船回香港，在船上竟然兩個人一齊大叫肚餓，決定要去宵夜﹗最近又最實惠的地方就係新旺記了，1/10凌晨一點的晚上，由於第二日要返工關係，人影都唔多隻，成間鋪得我地兩個﹗簡簡單單叫幾樣打冷野作宵夜，要了鹵水豆腐、芽菜豆卜、墨魚紅腸及胡椒豬肚湯。鹵水豆腐滑溜而入味，要提的是胡椒豬肚湯，相當夠味飲落亦都暖胃醒神，夜晚來番碗訓都訓得好0的﹗最後竟然全部野食食哂，今日食左幾十餐都仲可以食哂所有宵夜，我地生虫嗎？吃不飽的﹗…查看更多

飲多兩杯個胃唔多妥，先驚覺自己原來未食飯，於是深夜成點走來新旺記吃宵夜﹗宵夜不用多，最緊要有野落肚，點了海味雜菜煲再加多個蠔仔粥就算﹗無來幾個月，蠔仔粥味道依然係咁好，蠔仔夠多夠香，米亦粒粒分明軟熟，一次吃兩三碗是必然，最緊要係咁大鍋都只係廿幾蚊，抵食﹗工友叫著要吃菜，成日大魚大肉吃菜又少相當不健康，海味是魷魚及蝦米仔，份量適中，主打菜夠多，像吃不完似的，不過最後兩個人都係成煲食哂，我仲忍不住飲埋0的湯。這個份量宵夜岩岩好，吃完好安睡﹗…查看更多

呢幾日為著家中老狗的病而困擾，真係開飯都無心情，晚晚收工就走去睇佢，睇完之後都無咩心情搵野食，所以來番最穩陣既新旺記﹗連吃兩日都唔想出兩個post咁麻煩，所以一次過寫哂﹗呢度0的食評九成係我，皆因呢度打冷又得，小炒又得，小吃海鮮又得，所以每次不知可以食咩的時間腦海就會浮現佢既影子﹗個幾月無來，阿姐一見我就打招呼，哈，以前來得太多了﹗先來墨魚紅腸，呢個餸最岩送酒，墨魚不厚身卻有嚼勁，蘸辣椒醬食是一絕﹗再來蒜蓉粉絲扇貝，一碟有六隻，呢個菜除左食粒扇貝肉之外其實粉絲是最重要的一環，吸哂蒜蓉貝殼既味道超級惹味，份量夠哂多，滿足到我既慾望﹗最後來多碟生炒骨作結尾，感覺細碟左0的不過味道脆軟恰當，兩個人食份量岩岩好，不過多0的人就唔夠了﹗…查看更多