The Sky Bar (已結業)

Yoho mall有好多靚餐廳，繼stormies之後， 我又喜歡呢一間sSky Bar，環境又係靚, 又更加寬敞！今日仲發現佢有semi lunch buffet，百多蚊一位，即刻入去試啦！自助的有Salad bar，呢個bar就豐富囉！ 入到去已見到一碟碟七彩繽紛既沙律：有薯仔沙律，紅腰豆沙律，木瓜沙律，Olive, 意大利沙律，栗米火腿麵沙律，烤香草雜菌沙律等等等等……甜品方面又好吸引喎！有大人小朋友都喜歡嘅棉花糖（仲要係唔同味道）、啫喱、朱古力puff、 Lemon tart、北海道牛乳奶凍，多款生果等等等等，簡直目不暇及。  相机已食哂！主菜當然唔弱啦！睇吓我upload既menu!  我哋叫咗爐烤穀飼春雞·紅酒汁，再加過Spaghetti Bolognaise.  春雞既做法我未食過，覺得紅酒汁煮好好味，春雞唔油；意粉用番免治牛肉整（出面好多時用豬多牛少），味道實在太懷舊，太好味！  平日黎就係咁抵，又唔洗同人迫!  可以真真正正好好享受這一餐！