八月茶室 (元州街)

路過見到門面唔錯，所以入去試下，嘢食就一般啦，普普通通，價錢就正常囉，但係門面嗰兩個阿嬸嘅服務態度真係要俾負分，好似完全當啲客係隱形咁，入到去又唔問你幾多位，又唔會招呼啲客人坐低，俾錢嘅時候就當你隱形，兩個都唔知喺度返工啊定係打牙骹，可能係老闆啩，但要傾偈嘅不如返屋企傾啦！我無叫嘅嘢食，問都冇問就擺低，認真黑人問號！除咗呢個位之外，其他嗰啲姐姐嘅服務係非常之好嘅，呢間餐廳完全係比門面嗰兩人拖累哂啦！