影片
更多
2021-01-22
45 瀏覽
朋友是貓控，約我到呢度吸貓貓一開始都淆，因為自己好少接觸貓，驚唔識同佢地相處。入到去，原來好大，有幾十張枱。入門前，要先着鞋套，有部機自動出鞋套，都好方便，唔洗烏低身。然後探熱、消毒，當然係必須啦，防疫措施好齊全，都係自動化電子嘢，方便快捷。就連點嘢食都係電子自動化，掃QR code上網自己點，佢就會送餐嚟，都唔洗舉手嗌侍應。點左個2人套餐，包餐湯、沙律，正餐點左煙三文魚水煮蛋卡邦尼扁意粉，同埋安格斯牛肉手工竹炭漢堡配脆薯，另包$38以下嘢飲，點左凍薄荷咖啡。首先嚟南瓜忌廉湯😍😍😍my favourite!忌廉好濃厚好高質，唔會稀身或者油膩，入邊仲夾雜南瓜絲，甜甜地暖暖地咁。杯薄荷咖啡嗌左少甜，味道岩岩好，唔係薄荷雪糕個種好甜好假嘅味，而係真係有薄荷冰涼感，甜味岩岩好！跟住嚟煙三文魚水煮蛋卡邦尼扁意粉，配料可接受，望上去偏細舊，但卡邦尼意粉做得幾好，好creamy,意粉又有少少硬身，唔會煮過龍，整體唔錯嘅~最後係竹炭漢堡，咬落竹炭包皮好鬆軟，裏面包住安格斯牛肉，車打芝士同番茄，餐牌話有黑松露燒汁，但又唔係好試到，整體味道ok，唔會太差。最後最後，梗係要介紹下啲貓，佢地都好胃食，我地嘢食
入到去，原來好大，有幾十張枱。入門前，要先着鞋套，有部機自動出鞋套，都好方便，唔洗烏低身。然後探熱、消毒，當然係必須啦，防疫措施好齊全，都係自動化電子嘢，方便快捷。
就連點嘢食都係電子自動化，掃QR code上網自己點，佢就會送餐嚟，都唔洗舉手嗌侍應。點左個2人套餐，包餐湯、沙律，正餐點左煙三文魚水煮蛋卡邦尼扁意粉，同埋安格斯牛肉手工竹炭漢堡配脆薯，另包$38以下嘢飲，點左凍薄荷咖啡。
首先嚟南瓜忌廉湯😍😍😍my favourite!忌廉好濃厚好高質，唔會稀身或者油膩，入邊仲夾雜南瓜絲，甜甜地暖暖地咁。
杯薄荷咖啡嗌左少甜，味道岩岩好，唔係薄荷雪糕個種好甜好假嘅味，而係真係有薄荷冰涼感，甜味岩岩好！
跟住嚟煙三文魚水煮蛋卡邦尼扁意粉，配料可接受，望上去偏細舊，但卡邦尼意粉做得幾好，好creamy,意粉又有少少硬身，唔會煮過龍，整體唔錯嘅~
最後係竹炭漢堡，咬落竹炭包皮好鬆軟，裏面包住安格斯牛肉，車打芝士同番茄，餐牌話有黑松露燒汁，但又唔係好試到，整體味道ok，唔會太差。
最後最後，梗係要介紹下啲貓，佢地都好胃食，我地嘢食一到，佢地就跳上嚟。我原先仲驚好難接觸佢地，但一啲都唔會，佢地好乖唔怕人，唔介意畀人摸，所以在場嘅客都肆無忌憚咁撫摸佢地，拍佢地蘿柚。
「吸」完貓後，個心好療癒，盡興咁離去啦~
張貼
