阿久根和牛立燒店 (已結業)

今日特別想試下新開的立食燒肉，由出發嘅時候朋友就以為我講笑，燒肉點立食？無得座點食丫。。一路鵝上身。。到左嘅時候仲嘈得勁。。。我就一語不發，心諗。打死都要好食丫，如果唔係今鑊死緊。。一嚟到嘅時候睇一睇個Menu發現花多眼亂 ，有好多唔同嘅牛嘅部位可以比我選擇，但係講真我食嚟食去嘅部位。有啲部位完全未試過，但係又心思思想試多幾款呢，度就可以一次過滿足晒你咁多個願望，因為呢度係可以每一個部位只係點一片嘅。我特別鍾意就係呢一個牛肉刺身出面其實好少機會食到，而可以食到嘅地方牛肉嘅質素一定係相當之高，而呢一度嘅牛肉刺身口感唔錯比我想像之中好食。頭先啱啱講到牛有好多個唔同嘅部位，我特別就喜歡a4和a5肉眼，因為肉眼嘅部位通常係比較嫩，口感好好。另外仲要介紹一下就係肩胛，牛味好濃，有嚼口。食完之後朋友一句聲都無出，我就微微笑，心照喇哈哈。