Green Orange

今日同老公去上環食西餐撐枱腳 我哋一人嗌咗一個主食 餐廳位於上環站A2出口一出行一分鐘就到 係一間樓上店 環境坐得都舒適呢度晚餐有Set Dinner 但我哋唔係特別肚餓 所以選擇散嗌 揀番自己鍾意食嘅食物是日餐湯 南瓜湯 個湯好綿滑同帶有少少南瓜蓉 甜甜哋再有少少忌廉奶香 絕對唔係罐頭湯鳳尾蝦明太子忌廉汁扁意粉 意粉係我鍾意嘅扁意粉 口感會更加好咬 加埋明太子忌廉汁都幾濃鬱 鳳尾蝦都算大隻 啖啖肉 肉質爽彈 裏面仲有啲蘆筍同紅黃椒呢啲蔬菜伴炒紐西蘭肉眼牛扒 牛扒我哋叫咗五成熟 生熟程度控制得宜 食落仲好有肉汁 而且肉眼牛扒帶有油脂 所以唔會柴口亦唔會有渣 而係食落好順滑 簡簡單單點鹽食已經好好味 伴碟仲有蕃茄 四季豆同新薯 我哋仲叫咗一杯香檳同紅酒來Chill下 加埋餐廳有少少音樂 都幾Relax