心鉄板燒 (已結業)

今晚基本上好多都係海鮮，仲有好高質嘅牛食，喺呢個環境下嘆住海景食晚餐真係唔錯㗎！如果一家大細嚟食仲可以book埋房自己一齊慶祝家庭樂，如果係兩個人情侶嘅話都好浪漫 。今次我哋叫咗個二人套餐， 有山芋配海膽，要海膽配埋山芋一齊食個口感唔錯，海膽好有鮮味。 呢個套餐包埋鮑魚 ，同埋日本岩蠔。先講個鮑魚，真係好大隻，而且我見佢係活生生拎隻鮑魚出嚟，真係非常新鮮 ，廚師煮得好熟手，食落去個口感好正，唔會好似平時食嗰d鮑魚咁好韌咬唔到。 個日本南蠔咪好大隻呢， 佢煮到可以鎖住肉汁， 而且煎得啱啱好 ，就咁食個蠔已經好好味 ，再加埋櫻花蝦上去就真係不得了。櫻花蝦嘅口感同香味帶落蠔嘅鮮味真係好夾㗎 。 呢間餐廳好好仲安排埋八爪魚嘅醋物畀我哋，用黎準備個味蕾食和牛。牛舌好少可以整到咁有咬口，和牛都好lum，個人超鍾意食wasabi配和牛，少少嘅辣味加上和牛嘅咸味真係唔錯。炒飯我都好鍾意！佢有小女子喺度豐富口感，估唔到食到好開胃！水果同甜品可以話係為個晚餐畫上完美句號😍