小茶角 (啟豐商場) (已結業)

今日返屋企之前就去咗屋企附近嗰邊買咗兩杯手搖返屋企飲，嗰日買一送一，所以我就買咗兩杯返去試吓。-1.芝士奶蓋四季春茶🍵首先今次就叫咗少甜，但係茶底略為較甜，茶味比較淡，如果大家唔想飲咁甜可以叫微甜，可以由於奶蓋是甜奶蓋，佢好香奶香味，但略嫌個奶蓋不夠滑，因此買一送一來講性價比都幾高。-2.鮮檸冬瓜茶加蘆薈🍋同樣我都係嗌左少甜，首先個冬瓜茶同檸檬好夾，而且冬瓜茶亦都唔會太死甜，但係個冬瓜糖嘅味就好出，而且仲有蘆薈，就會有少少咬口，唔會太寡，同埋份量都好大杯一定夠飲，推介大家可以食埋佢個午餐陪杯野飲，咁就會啱啱好。-最後，都想推介佢個環境俾大家，因為佢玻璃出邊就係個海，而且有時候都會射入個舖頭度，個環境就好chill，下次就再試吓佢啲食物。