成都老碼頭火鍋 (已結業)

每次黎旺角多數都係打邊爐，上網見到呢間「成都老碼頭」既食物同裝修都好古色古香就決定黎食!上網一查，火鍋店早在內地紮根多年，在國內已有百多間分店。從門面上已感受到那古色古香的氣派，店足有2層，面積大，座位寬敞。嗜辣之士不容錯過！湯底分了好幾種，我地選擇成都小辣同椰子湯鴛鴦湯底。 湯底辣得過癮，配上瘋狂辣牛肉，風味十足!醬油、水果、圍裙等，全都以自助形式供應，店員更貼心地為我們調製特色老碼頭醬汁。店員獨門秘調- 麻香又帶點點辣, 好香好惹味, 個人覺得好好味!~老友鬼鬼: 即係油炸鬼加墨魚滑，呢個記住唔駛淥太耐，大概一分鐘內，同埋記住要墨魚滑向底呀!蛋餃:好大陣蛋香味🥚入面包左豬肉餡鵝腸爽脆新鮮必試，，唔係一味肥，好特別好好食，加上佢用個架逐條整齊掛上，有一種霸氣嘅感覺。爽脆牛黃喉 推介，牛黃喉放湯後，脆卜卜，十分爽脆，而它本身味道不重，吃時點上店員調製的秘製醬汁，很美味。高原雪花繡球菌: 1週年價10蚊加配，呢個菌我之前未見過未食過，幾特別又大塊爽脆，好清甜!老碼頭筷子牛肉: 牛肉被切成條狀🔪，加上以大量的醃料醃製🌱，入口微辣，口感爽嫩。