影片
更多
2022-08-30
139 瀏覽
• 左口魚刺身 刺身晶瑩剔透，整整齊齊咁賣相唔錯！入口就略為韌左少少 味道偏清淡🙈• 三文魚中卷 味道不過不失，正常發揮，壽司飯醋味較淡🤔• 蟹子蟹肉薯仔沙律 呢道聽落平平無奇嘅反而有驚喜，雖然蟹肉既份量唔多，但食完都幾清新，可能因為有生洋蔥同朋友share食會不停想繼續食😆• 岩手縣生蠔 生蠔size都唔細，幾新鮮冇咩腥味🙆🏻♀️• 三文魚籽帆立殼燒 & 醬油木魚帆立殼燒 兩款都食到帆立貝既鮮味，前者牛油味比較出，同埋有三文魚籽同金針菇，口感上會豐富少少，而後者木魚味好突出，配搭左蕃茄，都幾好食，不過兩者嚟講會較推介前者😳• 蟹味噌甲羅燒&黑松露蟹肉甲羅燒 一上枱見到有各有一隻鵪鶉蛋，撈埋一齊燒都幾得意，入口係好濃郁嘅蟹膏味，中間夾雜咗啲魚籽同蟹肉，鍾意食蟹膏嘅朋友應該會幾鍾意，同埋係店員過來幫手燒，唔洗驚自己燒得唔好🤣• 轟炸雞呢個價錢呢個份量嚟講cp值唔錯，第一啖咬落去有少少似食緊麥樂雞，之後再食就似返炸雞味，入面既肉幾juicy，外面既脆皮介乎中間位，唔算好脆又唔會話唔脆，配搭沙律醬青瓜生菜同一塊檸檬，中和返油膩感✨• 烏賊磯燒魷魚口感的確頗爽口，不過調味偏淡，可能平時食得比較
• 左口魚刺身 刺身晶瑩剔透，整整齊齊咁賣相唔錯！入口就略為韌左少少 味道偏清淡🙈
• 三文魚中卷
味道不過不失，正常發揮，壽司飯醋味較淡🤔
• 蟹子蟹肉薯仔沙律
呢道聽落平平無奇嘅反而有驚喜，雖然蟹肉既份量唔多，但食完都幾清新，可能因為有生洋蔥同朋友share食會不停想繼續食😆
• 岩手縣生蠔
生蠔size都唔細，幾新鮮冇咩腥味🙆🏻♀️
• 三文魚籽帆立殼燒 & 醬油木魚帆立殼燒
兩款都食到帆立貝既鮮味，前者牛油味比較出，同埋有三文魚籽同金針菇，口感上會豐富少少，而後者木魚味好突出，配搭左蕃茄，都幾好食，不過兩者嚟講會較推介前者😳
• 蟹味噌甲羅燒&黑松露蟹肉甲羅燒
一上枱見到有各有一隻鵪鶉蛋，撈埋一齊燒都幾得意，入口係好濃郁嘅蟹膏味，中間夾雜咗啲魚籽同蟹肉，鍾意食蟹膏嘅朋友應該會幾鍾意，同埋係店員過來幫手燒，唔洗驚自己燒得唔好🤣
• 轟炸雞
呢個價錢呢個份量嚟講cp值唔錯，第一啖咬落去有少少似食緊麥樂雞，之後再食就似返炸雞味，入面既肉幾juicy，外面既脆皮介乎中間位，唔算好脆又唔會話唔脆，配搭沙律醬青瓜生菜同一塊檸檬，中和返油膩感✨
• 烏賊磯燒
魷魚口感的確頗爽口，不過調味偏淡，可能平時食得比較重口味，同埋緊記要趁熱食😉
• 冰菠蘿燒酎
一整條菠蘿連飲品上勁打卡able！不過菠蘿雪得幾凍下小心牙齒敏感😂而酒味就淡淡地咁，夏天飲一流😚
• 青蘋果颱風乳酸
味道偏甜，又係好清爽嘅梳打飲品，食嘢食到滯滯地飲下佢都幾舒服，旁邊切咗幾片嘅青蘋果，就係乳酸味唔係特別明顯🤔
張貼
