影片
更多
2018-12-27
104 瀏覽
呢排晚晚睇《義不容情》經常都見到水哥,而由佢主辦嘅鼎爺私房菜對我嚟講價錢好似有啲偏高,我未捨得食住,咁啱我又發現到原來佢個仔仔喺旺角開咗一間日式立食燒肉店價錢相對地平民好多,立食文化喺日本相當流行,不如同阿肥過嚟試吓啦~店舖位於白布街,旺中帶靜,面積唔算好大立食嚟講都可以容納大約二十人左右,每一兩個位設有獨立嘅燒烤爐同埋抽風系統,所以感覺都冇乜油煙味,環境乾淨整潔,希望做耐咗都仍然能夠保持就非常好喇。食燒肉最正嘅就係可以一氣呵成,由頭燒到尾,最怕就係服務怠慢,燒完第一轉有排等都未有得食嗰種...喺呢度就完全享受到頂瓜瓜嘅招待喇,我哋兩個人叫咗一set定食,然後再加幾款牛肉呀串燒呀咁,都唔洗等幾耐,店員已經極速送餐過嚟,然後我哋滿枱都係食物,真係見到都已經急不及待放哂啲肉上去即刻燒。呢度嘅牛肉品種有好多類,質素亦十分講究,我叫咗嘅款式包括有：後腿肌、前胸部、肩胛肉、肉眼A4、後胸腹肉、中胸腹肉、下胸腹肉、前胸腹肉、三角肋肉、串燒叫咗牛肉、雞肉串同雞軟骨串,另外蔬菜類叫咗日本甜薯、翠肉瓜同埋冬菇串。全部都可以逐件叫,豐儉由人,以日式燒肉嚟計,呢度嘅質素確實係性價比高,用實惠嘅價錢已經可以試
食燒肉最正嘅就係可以一氣呵成,由頭燒到尾,最怕就係服務怠慢,燒完第一轉有排等都未有得食嗰種...喺呢度就完全享受到頂瓜瓜嘅招待喇,我哋兩個人叫咗一set定食,然後再加幾款牛肉呀串燒呀咁,都唔洗等幾耐,店員已經極速送餐過嚟,然後我哋滿枱都係食物,真係見到都已經急不及待放哂啲肉上去即刻燒。
呢度嘅牛肉品種有好多類,質素亦十分講究,我叫咗嘅款式包括有：後腿肌、前胸部、肩胛肉、肉眼A4、後胸腹肉、中胸腹肉、下胸腹肉、前胸腹肉、三角肋肉、串燒叫咗牛肉、雞肉串同雞軟骨串,另外蔬菜類叫咗日本甜薯、翠肉瓜同埋冬菇串。全部都可以逐件叫,豐儉由人,以日式燒肉嚟計,呢度嘅質素確實係性價比高,用實惠嘅價錢已經可以試勻哂牛嘅不同部位。最驚喜嘅就係所有肉片刀工好好,全部都切到薄薄的一塊,基本上放上爐每塊廿幾秒已經可以即刻食落肚,而客人用肉眼已經可以睇得出每款牛肉都有不同紋理同色澤,令人印象深刻。一set定食裡面仲附有前菜沙律,味噌湯,味粉日本米飯,令人十分滿足,食肉獸真係唔可以錯過~
9 瀏覽
0 讚好
0 留言
定食
4 瀏覽
0 讚好
0 留言
5 瀏覽
0 讚好
0 留言
雞軟骨
9 瀏覽
0 讚好
0 留言
張貼
