影片
更多
2022-03-15
81 瀏覽
冇得夜晚堂食之後，變相每個星期六都要報復式出街抖抖氣😮💨。今次嚟到長沙灣嘅一間韓式Cafe試一試佢新推出嘅hightea set🍰，最初揀呢間都係因為聽到餐廳設計竟然以澡堂為靈感🛁，吸引咗我哋嚟親身睇一睇。.📍2人新沙洞hightea set（$328）個set有3個鹹食，5個甜食🧁，另外包2杯飲品。鹹食有煙生文魚撻、蛋沙律撻同牛角包窩夫🧇。窩夫酥脆可以配上花生醬煉奶🥜一齊食，煙生文魚撻比較乾，味道同蛋沙律撻一樣都係普通🤭。甜品有士多啤梨撻🍓、紅豆抹茶撻🍵、朱古力香蕉撻、芒果奶凍、Tiramisu同馬卡龍。味道整體發揮正常，未算突出。.
飲品揀咗維也納忌廉咖啡☕️同香檳葡萄梳打特飲🍹。兩杯飲品賣相都好靚，梳打清爽唔會過甜，咖啡香滑味道唔錯，難怪係店內最受歡迎飲品之一。.📍雪花芝士6件（$92）炸雞有4/6件選擇🍗，口味都唔少。6件嘅包3件雞翼3個雞鎚，雞翼肉質嫰滑比雞鎚好食。炸雞上灑上甜味芝士粉🧀加上醃得入味，甜甜鹹鹹味道唔錯👌🏻。炸漿食落同傳統韓式炸雞唔同，味道唔差但價錢都唔算平💸。.📍韓國醬牛肉窩夫（$68）窩夫雖然比較難切，但食落酥脆唔係想像中咁硬🧇。韓醬牛肉似平日牛丼嘅牛肉，以
冇得夜晚堂食之後，變相每個星期六都要報復式出街抖抖氣😮💨。今次嚟到長沙灣嘅一間韓式Cafe試一試佢新推出嘅hightea set🍰，最初揀呢間都係因為聽到餐廳設計竟然以澡堂為靈感🛁，吸引咗我哋嚟親身睇一睇。
.
📍2人新沙洞hightea set（$328）
個set有3個鹹食，5個甜食🧁，另外包2杯飲品。
鹹食有煙生文魚撻、蛋沙律撻同牛角包窩夫🧇。
窩夫酥脆可以配上花生醬煉奶🥜一齊食，煙生文魚撻比較乾，味道同蛋沙律撻一樣都係普通🤭。
甜品有士多啤梨撻🍓、紅豆抹茶撻🍵、朱古力香蕉撻、芒果奶凍、Tiramisu同馬卡龍。味道整體發揮正常，未算突出。
. 飲品揀咗維也納忌廉咖啡☕️同香檳葡萄梳打特飲🍹。兩杯飲品賣相都好靚，梳打清爽唔會過甜，咖啡香滑味道唔錯，難怪係店內最受歡迎飲品之一。
.
📍雪花芝士6件（$92）
炸雞有4/6件選擇🍗，口味都唔少。6件嘅包3件雞翼3個雞鎚，雞翼肉質嫰滑比雞鎚好食。炸雞上灑上甜味芝士粉🧀加上醃得入味，甜甜鹹鹹味道唔錯👌🏻。炸漿食落同傳統韓式炸雞唔同，味道唔差但價錢都唔算平💸。
.
📍韓國醬牛肉窩夫（$68）
窩夫雖然比較難切，但食落酥脆唔係想像中咁硬🧇。韓醬牛肉似平日牛丼嘅牛肉，以醬汁煮過加上洋蔥🐃🧅，味道都幾濃郁。不過餡料同牛角包聯繫唔係咁大，加多個醬汁可能會更好味。
.
📍提拉米蘇（$58）窩夫配上Tiramisu🧇，可能由於加咗頂層嘅忌廉，所以就算係窩夫比較硬身加埋一齊食味道都唔錯。咖啡味幾香又唔會過苦☕️，比鹹食窩夫更出色❤️🔥！
張貼
