影片
更多
2022-02-12
157 瀏覽
阿爸生日冇得出街食飯，但都喺屋企食餐好啲慶祝吓啦。我放工去咗旺角Outdark買外賣，因為有八折優惠，而且本身就係約好咗食韓國嘢嘛。餐廳嘅外賣選擇都唔少，但某部份菜式就未能提供啦，例如芝士鍋同湯品等。不過炸雞就當然唔少得，另外仲有炒飯、炒粉絲同炒年糕等等。我哋四個人嗌咗一份大炸雞、炒飯、粉絲同煎餅已經夠晒食，埋單$500都唔使，抵到爆。唯一麻煩少少就係佢分店唔多，要出旺角拎，但我認為係值得嘅。雙併炸雞全份Originate Outdark Chicken $192🍗醬油炸雞Soy Sauce🍗香蒜蜜糖炸雞Honey Garlic Sauce全份炸雞有450g，分兩盒上，證明份量確係Double！炸雞一拎上手，香味撲鼻，今時今日呢個時世，我都忍唔住喺街偷食咗幾舊🙈。炸雞無骨，食得超爽的呢，而且每件外層均炸至非常酥脆，拎到返屋企都保持到，肉質就意外地嫩滑。兩款炸雞嘅口味有少少相似，因為都係甜甜哋，但蜜糖比較甜啲，而醬油就帶點鹹香。兩者惹味得嚟又唔會重口味，又唔會好乾身拮喉嚨。炸雞以外仲配以薯三寶，分別係薯條、薯格同薯塊，其中後者最軟同最好食。泡菜豬肉炒飯Kimchi Pork Rice $
阿爸生日冇得出街食飯，但都喺屋企食餐好啲慶祝吓啦。我放工去咗旺角Outdark買外賣，因為有八折優惠，而且本身就係約好咗食韓國嘢嘛。
餐廳嘅外賣選擇都唔少，但某部份菜式就未能提供啦，例如芝士鍋同湯品等。不過炸雞就當然唔少得，另外仲有炒飯、炒粉絲同炒年糕等等。
我哋四個人嗌咗一份大炸雞、炒飯、粉絲同煎餅已經夠晒食，埋單$500都唔使，抵到爆。唯一麻煩少少就係佢分店唔多，要出旺角拎，但我認為係值得嘅。
雙併炸雞全份Originate Outdark Chicken $192🍗醬油炸雞Soy Sauce
🍗香蒜蜜糖炸雞Honey Garlic Sauce
全份炸雞有450g，分兩盒上，證明份量確係Double！炸雞一拎上手，香味撲鼻，今時今日呢個時世，我都忍唔住喺街偷食咗幾舊🙈。炸雞無骨，食得超爽的呢，而且每件外層均炸至非常酥脆，拎到返屋企都保持到，肉質就意外地嫩滑。
兩款炸雞嘅口味有少少相似，因為都係甜甜哋，但蜜糖比較甜啲，而醬油就帶點鹹香。兩者惹味得嚟又唔會重口味，又唔會好乾身拮喉嚨。炸雞以外仲配以薯三寶，分別係薯條、薯格同薯塊，其中後者最軟同最好食。
泡菜豬肉炒飯Kimchi Pork Rice $88炒飯好高質，珍珠米粒粒分明，每粒飯都均衡地入味，染上橙紅色。泡菜嘅量好夠，每啖飯都夾一塊爽脆泡菜，口感極佳，並且又唔會過酸。豬腩片份量都多，另外亦有紫菜同煎蛋作伴。
海鮮煎餅Dongrae Seafood Jijim $118煎餅切好咗一塊塊入盒，佢係野菜同海鮮嘅結合，老實講我自己就一般，因為有太多蔥喇。不過屋企人就好啱食。煎餅入面有三色椒同洋蔥等，煎得好香口，而海鮮份量都唔孤寒，亦係飽肚之選。
烤牛肉炒粉絲Beef Bulgogi Japchae $98炒粉絲係正常發揮，粉絲口感煙韌，芝麻同麻油香味突出，令人印象深刻。烤牛肉味OK，如果量多啲就好，另外仲有雲耳、冬菇、蘿蔔絲、洋蔥等，整體都幾繽紛嘅。
題外話，即使係外賣，但餐廳比醬料都比到足，讓客人可以品嘗返同堂食一樣嘅正宗滋味。不過蘿蔔粒就唔夠食啊，開胃嘛😝！～
張貼
