牧羊少年咖啡館 (香港單車館)

營業中

休息中

今日嚟咗將軍澳踩單車，之後去咗單車公園食飯，呢間牧羊少年環境好舒服，諗咗1秒就決定係佢啦。我哋叫咗個三黃雞伴椰菜花日本南瓜，本身見到生薑味噌，以為會好重口味，但食落味都好香，調味同雞嘅香味夾得好好。而椰菜花同南瓜嘅味道好清香，同雞肉隔住食，啱啱好。呢碟鹽麴燒比目魚要先讚讚個燉菜，煮得啱啱好，入味得來口感保留咗，而且調味同比目魚夾得好好，唔會沖淡魚嘅鮮味，又食到燉菜本身嘅味道。而比目魚亦燒得好好，口感啱啱好，好嫰滑。本身叫呢道是拉差醬雞翼，純粹因為鍾意食雞翼，估唔到有驚喜。是拉差醬嘅辣度啱啱好，加上雞翼炸得好香口，將肉汁梳鎖晒喺入面，連埋醬一齊食，好惹味。呢個燒汁焗八爪魚丸唔係小丸子但入面好足料，食落好有海鮮味，而且外皮焗得好好，食落口感都好豐富。呢杯梳打濃縮咖啡嘅烚蛋拿捏得好好有少少甜味，但又唔會搶咗咖啡本身嘅香味，而且梳打嘅氣泡十足，飲落口感好唔錯。最後梗係食返個雪糕杯，凍嘅日子食都幾特別。