喫茶ちょうぼ

營業中

休息中

作為港島人嘅我～真係無乜幾可過大埔食大埔名店喫茶ちょうぼ🤣所以知道銅鑼灣世貿中心會開新分店，我就約左朋友去食啦🥰餐廳裝修得好日式得黎又帶點現代感，打卡一流！最特別嘅係窗外望到銅鑼灣避風塘嘅景色❤️日式紅酒燉牛面肉蛋包飯✨用紅酒同蔬菜燉煮嘅牛面肉，非常入味濃厚又軟腍！牛肉味夠濃郁，口感唔乾柴😚蛋包飯切開仲係流心架，炒飯底食到甜甜蕃茄醬味仲有好多紅蘿蔔翠、玉瓜😆月見雞皮餃子✨傳統日式餃子就食得多，雞皮餃子又幾過癮喎🤤酥脆嘅雞皮包住肉汁豐富嘅餃子餡，夠邪惡！點埋個蛋黃醬汁一齊食，口感更順滑🤓極 日式布甸船✨一個價錢可以食哂日式布甸、Lotus 焦糖芝士脆餅、好甜好多汁嘅士多啤梨、提子、櫻桃🤩呢度嘅布甸口感軟綿，有好香濃嘅蛋味同牛乳味，而焦糖味道都好突出😝芝士脆餅係幼滑輕身嘅芝士蛋糕，中間同上下各有一層Lotus焦糖餅乾碎！口感非常豐富😜紫薯牛乳✨紫薯味重之餘又唔會搶走牛乳味❤️邊飲佢邊食甜品，超爽😉