茶木‧台式休閒餐廳 (已結業)

放工後，希望腦子放空，想輕鬆一下，食個晚飯。今天想吃小小麻辣，見到一個懶人系列的Menu寫著麻辣手工拌麵，牛肉牛根好軟好淋，好好味，且有少少麻辣，適合唔食得太辣嘅人食用，拌麵軟硬度適中，咬落煙煙銀銀，好彈牙，且有小小麻辣味道，令人好開胃，煩惱一掃而空！鴨血同豆卜都好入味。加多$30就可以有一杯嘢飲同埋送一個小蛋糕🍰黑糖紅豆奶茶甜了少少，黑加倫子慕絲蛋糕味道也可以。值得推介嘅：蠔仔湯飯，湯嘅味道好鮮甜，蠔仔脹卜卜，同埋蠔仔都幾多，還算新鮮，伴有蝦米冬菇粒同芫荽，味道唔錯。🥰整體來說，食物質素唔錯，服務員態度也好nice，值得讚。