黑木亭居酒屋 (金馬倫道)

好耐無去居酒屋啦，今晚揀咗位於尖沙咀既黑木亭居酒屋，餐廳掛滿日本風情壁畫，環境寬敞舒適，岩哂歎個NICE DINNER～牛油芝士鐵板帶子大大隻帶子好香脆，咬開鮮嫩多汁，加入大量芝士，拉絲效果一流~汁燒白鱔好厚肉，帶點微脆口感，啖啖肉好軟嫩～明太子雞腿肉金黃香酥既雞腿面頭有大量明太子醬，濃郁辛辣好開胃～喜之次魚王木桶飯配鯛魚湯魚肉細嫩有彈性， 口感又嫩又滑，配埋幼細香滑既吞拿魚蓉同爽脆魚籽，口感層次豐富，鮮味十足，真係大滿足！燒汁牛肉金菇卷牛肉煙煙韌韌夠哂多汁，金菇爽口，兩者好夾。牛肉三色椒(武士辣醬)用嫩滑牛肉包住三色椒，再沾以武士辣醬，好惹味！櫻花蝦炸豆腐沾滿櫻花蝦既豆腐炸香後脆卜卜，蝦味相當濃厚突出，咬開豆腐嫰滑，層次好特別。芒果烏龍熊茶熊熊好可愛～烏龍茶夾雜芒果香，飲落味道甘香清新，好FRESH ～北海道芒果牛乳乳酸酸酸甜甜乳酸MIX埋香甜芒果，甜度岩岩好，解膩一流。