Mee...lemongrass (將軍澳中心) (已結業)

將軍澳中心近呢幾個月終於裝修完畢，開咗好多間新嘅食肆。近排我見最多人排嘅，就係呢間專食馬來喇沙、海南雞飯嘅專門店。今個星期我同屋企人都襯下熱鬧，試吓究竟佢有幾好食先！首先當然要食佢嘅招牌菜：海南雞套餐。除咗無骨嘅海南雞飯，仲有一碗油飯、一碟油菜，同老火湯！呢度嘅雞的確比外面茶記仲嫩滑，唔會有雪藏味。再點埋海鮮喇沙湯麵，足料海鮮，有青口、蜆肉、大蝦、蟹柳、魷魚等等。唔算辣，個湯好香椰汁味！仲有小食併盤～一次過食到泰式鳳爪、蝦餅、春卷、串燒、雞翼，大滿足！