阿善素食 (已結業)

雖然老婆多咗食素，但甚少去啲齋廚，因為佢唔太喜歡啲環境太神神佛佛，有啲仲成日播住啲「煩人」嘅梵音，嚟到阿善絕對喺小弟擅作主張嘅錯誤決定，上述兩個情況中晒，個意外點解會發生，都喺唔好提。算喺誤打誤撞，走咗上嚟阿善。因為早，差十幾分鐘先到中午12:00pm，成個場得一枱客，「職工頭圍」都仲用緊膳。店內環境裝潢較「懷舊」，哈哈，即喺古老，但光鮮企理；枱櫈排得頗逼，而且樓底矮，兼有好多橫樑，所以，有少少壓迫感。撞正齋期，入門口時都無留意，午餐、二人餐，乜餐都無，只有散叫。餐牌得一套，相信早晚都喺佢，所以，定價變相成為晚市價，感覺相對會貴啲。如一般茶樓咁，茶位收$8位，前菜又收$8，都只不過喺啲花生。齋鹵味 $40細$40，大$60，兩公婆叫客細嘅已經好夠食，因為送到嚟已經滿滿一大碟。細份包括有酸齋、豉油齋、咖喱齋、齋叉燒、齋鴨腎， 酸酸甜甜，越食越開胃。題外話，臨走再望望佢樓下個外賣檔，外賣抵好多，細份賣$25，大份賣$35。牛蒡鬆野什菌桶飯 $66老婆想食得健康，依個桶飯應該合佢心水，查實喺一客炒飯，不過用木桶盛載，咪睇少個桶，原來裝得落好多飯。個飯炒得頗爽身，飯粒分明，又唔太油，而且好多什