32
9
7
港鐵尖沙咀/尖東站 P3 出口, 步行約5分鐘 繼續閱讀
電話號碼
23660067
付款方式
Visa Master 現金 銀聯
座位數目
100
其他資料
電話訂座 詳細介紹
加一服務費
素食
招牌菜
芝士淮山菠菜百靈菇 金湯海皇素翅 香檳鮮淮山 紫薑欖角海鮮桶飯
食評 (52)
等級3 2018-03-08
817 瀏覽
午餐時間,想食得清淡少少。。。諗起之前經過間素食店,所以就提議同事午餐去食善啦⋯⋯午市套餐,一飯一湯一餸,$45一個餐。我地叫左個咕嚕肉,茄子排骨同菜煲。。之黎個湯,入面有雪梨同紅蘿蔔,淡淡地,飲得到有雪梨味,無味精。。不錯。所謂的咕嚕肉,茄子排骨的肉,都是面做的。。。但口感也不錯。。只是咕嚕肉,肉的,波羅無好多。。大多是青椒,紅椒。。。所以點哩個好不化算。。。茄子排骨,菜煲則較化算,唔會得少少。。。菜煲內有豆腐,菇,菜,粉絲。。算豐富 繼續閱讀
(以上食評乃用戶個人意見 , 並不代表OpenRice之觀點。)
等級4 2018-03-08
370 瀏覽
最近公司附近的食店都食遍,決定向遠一點尋找新意,所以就決定嘗試一間齋菜。店鋪有點中式茶樓感覺,很懷舊。每人都點了一味小菜,再跟香飯及例湯。例湯有誠意,是雪梨紅蘿蔔湯,適合最近時冷時熱的天氣,清熱潤肺,味道亦不錯,足料。小菜點了咕嚕肉,茄子排骨及雜菜煲。咕嚕肉比較差,味道似化學味道。茄子排骨及雜菜煲都很好味,茄子煲送飯一流,而雜菜煲是南乳味道,很久沒有食過了。每人一個套餐連茶芥都是45,仲要無加一,非常抵食。 繼續閱讀
(以上食評乃用戶個人意見 , 並不代表OpenRice之觀點。)
等級2 2018-01-18
552 瀏覽
今日我去買齋,個阿姐指着咖喱齋、甜酸齋、豉油齋問我要邊隻,我就答佢:「橙色甜酸齋。」點知佢夾咗咖喱齋,我即時同佢講唔係呢隻,跟手用手指指着甜酸齋,佢就好唔耐煩咁話:「呢個係紅色嚟!」之後仲一路黑口黑面,跌咗舊齋落枱面,仲夾返起放落個盒度,同我講個張枱乾淨😒😒😒好嬲自己果刻點解唔話鬼佢,一離開咗先識嬲 繼續閱讀
(以上食評乃用戶個人意見 , 並不代表OpenRice之觀點。)
等級3 2017-09-22
1297 瀏覽
朋友F表哥推介,朋友F亦親自來說過,於是同和素友M今日來到尖沙咀漆咸道南的阿善素食。之前睇食評話啲阿姐態度好差, 又唔係好覺丫, 我唔想俾把風扇吹住個頭要換位, 佢地都冇咋我形。有個阿姐仲化左濃妝, 好尊重。不過地方在閣樓, 樓底有點矮, 裝修環境感覺比較平民。當晚星期一,大約半滿。只記得朋友F推介欖角蜜汁叉燒,果然好味,加入欖角,令叉燒更具風味,而且「可以扮燶叉果啲燶」(素友M批評呢啲咩中文黎)。 另外素友說茶介小碟的芽菜很重麻油味, 非常香口,可以吃3碟,不過因為要另收$10碟,所以當然冇叫。由於本人只係大食,但完全冇記性,除了一味叉燒之外,就唔記得朋友F仲有咩推介,於是隨心點了一碟什菌鮮竹豆腐這個餸就令我常失望,汁很杰但淡而無味,三種材料炒在一起味道卻「各自為政」,完全冇互相輝映, 如果5分是滿分,這一味我只給2分,在割櫈邊緣。素友M說,總比銅鑼灣的「本真東后齋」好吃,天啊!M,「你幾時變到咁低要求!(內心邊說邊想狂搖M的肩膀)」最後有兩個驚喜:1,送湯;2,樓下外賣齋Counter有即煎腐皮卷,素友M買了兩條回家吃,與家人分享都說好吃,$6條唔貴,途經可買來試! 繼續閱讀
(以上食評乃用戶個人意見 , 並不代表OpenRice之觀點。)
琴日去完科學館,就到對面的阿善素食品嚐門口右邊介紹的二人餐。沿樓梯行上上去就揀左張枱坐底! 點知。。1.一坐底。。筷子一拿上手痴痴黏黏洗極都黏。2.櫈都未坐暖立即問我地食咩,我們說看看餐牌才決定。但發現全店都沒有特價二人餐的餐牌,於是,跟店員說想要一份特價二人餐,他就拎一個好細的餐牌。揀了藥膳湯 湯幾好飲,咕嚕素球 好難食 成口粉, 燒汁雜菌金錢片難食 成口粉。。。3. 店員還放低一碟前菜酸蘿蔔。我很有禮貌地跟他說,我們不要前菜點知佢兇巴巴地說,不可以不要。4.同時亦眼見有2枱客由於塭唔到特價二人餐,但又被迫吃前菜最後要為該款前菜埋單! 好過份! 不良的經營手法, 開齋店應該要有善心唔係亂黎的! 繼續閱讀
(以上食評乃用戶個人意見 , 並不代表OpenRice之觀點。)