李家 (華發大廈)

營業中

休息中

正宗韓式炸雞呢度真係有得食啦！餐廳都幾近銅鑼灣，地鐵站大概行5分鐘就到。最近都發現銅鑼灣嘅呢一邊都幾多特色嘅餐廳，呢一間韓國餐廳原來都有其他分店。餐牌上主要都係食炸雞或者烤肉等等，炸雞可以揀有骨無骨，亦都有幾款口味俾你揀。我就揀咗原味同埋甜辣味啦！啲炸雞入面啲肉身好滑，炸皮唔會好厚，不過建議一定要嗌飲品，如果唔係一定要好熱氣！炸雞嘅份量大概有成十幾夠咁多，兩個人一定食唔晒！佢嘅洋蔥牛肉分量超級多，味道亦都好夠濃，最好嘅話都可以配埋飯一齊食！呢度亦都有其他韓國嘅酒飲，亦都有啲魷魚乾等等嘅菜式選擇。