影片
更多
2022-08-01
18 瀏覽
又嚟介紹特色餐廳喇🥢！今次就想同大家分享其中一樣我好鍾意食嘅嘢食啦😬，就係拉麵啦🍜。以前仲有機會去日本旅行嘅時候🇯🇵，好鍾意喺夜晚嘅時候叫返碗拉麵食☺️，嗰種感覺真係好治癒㗎😋所以喺香港我都想搵返啲正嘅拉麵😍。趁呢段時候留喺香港都一樣可以重拾到嗰種味道👾。而今次我想同大家介紹嘅就係位於旺角嘅一間拉麵專門店，一齊嚟睇吓呢間餐廳嘅評價啦😇。環境方面☝🏻我自己覺得餐廳嘅裝修都幾有日本嘅風格🎌，例如喺牆上會有各種唔同嘅特色面具。另外餐廳個格局都同樣有日本嘅感覺，就算坐喺度食嘢一樣可以望到拉麵嘅製作過程🥳。睇住自己碗拉麵嘅製作過程，食起上嚟都會放心啲🙏🏻。食物方面✌🏻#特選拉麵（$135）首先想介紹嘅係餐廳嘅招牌特選拉麵❤️，其實係食之前我已經上網睇過關於呢個特選拉麵嘅圖㗎啦😈，當中最吸引到我嘅就一定係炙叉燒🤩。塊炙叉燒仲長過個碗嘅直徑，真係夠晒有驚喜🤭，另外塊叉燒經過炙燒之後，口感都會特別好。除咗塊炙叉燒之外，碗拉麵都仲有叉燒嘅1.5倍、兩塊紫菜、蔥、味荀、味付雞蛋😚，所以碗拉麵都真係幾足料㗎🍜。喺呢一碗拉麵上面我選擇左豬骨清湯，就算係清湯都依然會有豬骨嘅香味🐷。#肉愛食者拉麵（$120）跟住要介
今次就想同大家分享其中一樣我好鍾意食嘅嘢食啦😬，就係拉麵啦🍜。以前仲有機會去日本旅行嘅時候🇯🇵，好鍾意喺夜晚嘅時候叫返碗拉麵食☺️，嗰種感覺真係好治癒㗎😋所以喺香港我都想搵返啲正嘅拉麵😍。趁呢段時候留喺香港都一樣可以重拾到嗰種味道👾。而今次我想同大家介紹嘅就係位於旺角嘅一間拉麵專門店，一齊嚟睇吓呢間餐廳嘅評價啦😇。
環境方面☝🏻
我自己覺得餐廳嘅裝修都幾有日本嘅風格🎌，例如喺牆上會有各種唔同嘅特色面具。另外餐廳個格局都同樣有日本嘅感覺，就算坐喺度食嘢一樣可以望到拉麵嘅製作過程🥳。睇住自己碗拉麵嘅製作過程，食起上嚟都會放心啲🙏🏻。
食物方面✌🏻
#特選拉麵（$135）
首先想介紹嘅係餐廳嘅招牌特選拉麵❤️，其實係食之前我已經上網睇過關於呢個特選拉麵嘅圖㗎啦😈，當中最吸引到我嘅就一定係炙叉燒🤩。塊炙叉燒仲長過個碗嘅直徑，真係夠晒有驚喜🤭，另外塊叉燒經過炙燒之後，口感都會特別好。除咗塊炙叉燒之外，碗拉麵都仲有叉燒嘅1.5倍、兩塊紫菜、蔥、味荀、味付雞蛋😚，所以碗拉麵都真係幾足料㗎🍜。喺呢一碗拉麵上面我選擇左豬骨清湯，就算係清湯都依然會有豬骨嘅香味🐷。
#肉愛食者拉麵（$120）
跟住要介紹嘅係第二款大家都好鍾意攞嚟打卡嘅拉麵📸，就係肉愛食者拉麵啦🤩。呢碗拉麵最特別嘅地方就一定係佢嘅叉燒係3倍嘅份量啊😳，所以鍾意食肉嘅真係點都唔會錯過。正正係因為佢嘅叉燒有三倍份量，所以佢個賣相都特別吸引😍。用叉燒圍住碗嘅外邊真係睇到都食慾大增，另外佢個角切叉燒都做得好好。喺我嘅角度算係平衡到呢碗拉麵嘅口感，無論係粒狀叉燒定係塊狀叉燒一樣有豬肉嘅鮮味🐖。而呢一碗拉麵我就叫咗豬骨濃湯，我好鍾意豬骨濃湯個口感。豬骨濃湯成功咁樣將啲湯汁掛喺拉麵上面，就算大啖咁食麵都會索到湯嘅精華👍。
#鶉春蛋6個($15）
之後就想介紹下一個小食啦，我嗰日就叫咗六粒鵪鶉蛋試吓。雖然拉麵上面已經有一隻溏心蛋🥚，但係我都會想試吓迷你啲嘅鵪鶉蛋架🤤。講返個味道先佢個口感好紮實，咬落去蛋黃係全熟嘅，所以都幾適合做小食🤪。
評分以🌕表示（滿分為5）
環境：🌕🌕🌕🌕🌑
賣相：🌕🌕🌕🌕🌑
味道：🌕🌕🌕🌕🌑
服務：🌕🌕🌕🌕🌑
張貼
