象泰 (已結業)

正所謂「日日都搭車出城，唔通日日都想出城咩？」住屯門嘅人都明白，日日搭成個鐘車去巿區返工，放假就唔多想出去，留返喺屯門區搵食。本身鍾意食小店，比較有唔一樣嘅體驗，發現新墟呢個商場都有啲小店餐廳，原來喺隱閉處有呢間象泰，行行下先見到。裝修環境都幾「骨子」，衛生唔錯，坐得舒服，叫得象泰當然係以象做主題啦！椰青 午餐加$20: 好新鮮，冰涼，味道清甜，一啲酸味都無。馬拉箋西蘭花炒蓮藕$62: 呢個價錢，比我想象中細碟，不過食落兩個人都幾夠，叫左少辣，唔知點解好似食到蝦醬味，而味道較鹹，較適合「送飯食」，蓮藕口感好爽，西蘭花就有啲嚼勁、較淋。泰式海鮮炒金邊粉$46: 上碟一陣好香蕃茄汁味，金邊粉混入好多芽菜，比人清新感，海鮮料主要係魷魚同蜆仔，前者好軟身唔靭，兩樣都有啲鮮味，加埋蛋、蟹柳等，口感幾豐富。海南雞生牛肉冬蔭公湯檬$42: 呢餐我最欣賞呢個湯濛，因為佢又有得飲又有得食，湯底好少辣，唔太鹹，有蕃茄味，酸酸地幾順口，真係可以飲到好多啖，生牛肉真係有啲生，唔係熟晒，所以保持到軟嫩口感，有牛香，海南雞相對就較普通，未算滑，不過成碗粉呢個價錢絕對抵食！服務方面都幾好，有位男經理一眼關七，留意顧