影片
更多
2018-08-07
286 瀏覽
今日拉朋友嚟呢間新開嘅Coffee & Bar， 原本係想試佢地嘅咖啡嘅， 因為有日行開去樓上嘅co-work space 見到佢環境同裝修都好有style, 點知坐低睇睇下，差唔多午飯時間喇喎，就索性食埋lunch啦。佢餐牌選擇唔算多， 畢竟主打係「Coffee & Bar」，但我都情願係咁， 做得太花太雜好易會失焦點😊。我地order左Honey Roasted Spring Chicken 同 Wild Mushroom Truffle Risotto 一齊share。咖啡我就要左 hand drip，朋友鍾意奶底所以點左latte。落好單先飲湯， 餐湯係好香滑好重奶味，連我平時唔多飲奶嘅都好奇點樣可以打到個湯咁滑呢🤔？到主菜喇， 一上枱我就知個Risotto 好👍了， 事關Parmesan Cheese同Truffle嘅味道好濃郁，連我今日個鼻有啲塞都聞到😍😋， 另外個春雞賣相都好靚， 烤雞皮嘅顏色好金黃，証明火侯控制得好好。果然個Risotto好好味， Parmesan Cheese夠哂多但又唔會蓋過Truffle嘅味道， 而Risotto 咬落仍然係粒粒分明， 唔會話煮到
佢餐牌選擇唔算多， 畢竟主打係「Coffee & Bar」，但我都情願係咁， 做得太花太雜好易會失焦點😊。我地order左Honey Roasted Spring Chicken 同 Wild Mushroom Truffle Risotto 一齊share。咖啡我就要左 hand drip，朋友鍾意奶底所以點左latte。
落好單先飲湯， 餐湯係好香滑好重奶味，連我平時唔多飲奶嘅都好奇點樣可以打到個湯咁滑呢🤔？
到主菜喇， 一上枱我就知個Risotto 好👍了， 事關Parmesan Cheese同Truffle嘅味道好濃郁，連我今日個鼻有啲塞都聞到😍😋， 另外個春雞賣相都好靚， 烤雞皮嘅顏色好金黃，証明火侯控制得好好。
果然個Risotto好好味， Parmesan Cheese夠哂多但又唔會蓋過Truffle嘅味道， 而Risotto 咬落仍然係粒粒分明， 唔會話煮到爛哂。野菌有增加 嘴嚼嘅口感，但味道又能融和，個Risotto冇其他多餘配料影響整體味覺，我好喜歡😍😋 。而且呢道主菜係vegan dish, 以後Green Monday又多個餐廳選擇啦， 唔使次次食草🥗😝。
我其實都幾鍾意食雞，咩品種咩部位我都OK, 就連雞胸肉我都唔mind, 所以本身諗住就算春雞煮得過火有點鞋都冇乜所謂嘅。但估唔到雞肉好嫩滑喎，個雞皮應該係掃左一層蜜糖去焗， 所以帶點甜味同香脆， 春雞明顯有醃過所以雞肉入面都好有味，唔會得層皮好食😅。
終於用餐完就可以回歸我地嘅初衷ーー嘆咖啡☕☕😊。
我點嘅Hand drip, 果味重，帶微酸， 係香港咖啡店飲到嘅機會唔算太多，反而自己沖呢， 買到合適嘅咖啡豆機會比較大， 番去較好水溫慢慢沖，一邊聞住咖啡香，係好有療癒嘅作用。但偶爾有人沖埋俾你飲， 其實個感覺都唔錯架😁。
朋友嘅 Latte聽聞都好香滑， 因為店家自選自blend咖啡豆, 巴西豆嘅比重較多，所以帶nutty, 好啱用係Espresso base嘅特調。
飲完咖啡，跟朋友閒聊中， 見店家經過就多口問大概幾點開始serce酒， 諗住下次同朋友嚟試酒， 點知佢話其實即刻都做到，🤩🤩🤩🤩， 真的嗎？！返自由工嘅好處就係可以日光日白飲酒🤭，見佢drink list啲名咁特別，於是叫店介揸主意， 佢就幫我點左以調酒師命名嘅Doctor Mo, 係用左兩款意大利bitter liquor 加橙汁調制嘅，帶香料味， 入口甜得嚟帶少許苦澀，但回甘又有香料herbs味，令我諗起Jägermeister🤭。
其實Doctor Mo入口驟眼似飲苦橙汁， 所以女生應該都會好喜歡，但我就期待下次再嚟試佢用Cold Brew調制嘅「Fund Manager」, 真正嘅啡酒合一嘛😜。話哂下午都仲有Project要趕工，唔能夠飲太多酒喇。
張貼
