影片
更多
2017-05-22
97 瀏覽
山林道係我成日黎既一條街，皆因我好鍾意係到搵食。兩邊都好多食肆，各有特色，今次就黎到呢間尚上下夏，門面唔算特別吸引，不過個名絕對吸引到我。行經門口，已經傳出陣陣雞煲香，好自然就比佢引左入去。見佢點菜紙都好多野食選擇，掙扎左一陣要單鍋定係鴛鴦，諗諗下都係唔好眼闊肚窄，要返單鍋算啦。叫咗個雞胸半份，辣到揀咗中辣，今晚想刺激啲，哈哈。點知真係辣到飛起，下次都係叫返小辣怡情算啦。雞胸完全去晒骨，雞肉大大嚿，但一啲都唔鞋，好好食真心正！另外豬皮都非常吸引，吸晒啲湯汁。如果可以加埋蜂巢豆腐就Perfect啦，又係另一吸汁食物。因為中辣實在太辣啦，我哋食啲雞食咗三分之二，就請店員幫我地加湯。今次叫咗個雞湯，因為見隔離枱食得好過癮，跟風試吓先。叫咗筒蠔，百幾蚊有六大隻。淥完一啲都冇縮水仲好大隻啖啖肉。而且蠔肉都算新鮮，唔會一陣臭腥味。鬼馬墨魚，聽個名都幾得意喎，就叫你試吓先。原來係油炸鬼上面鋪左墨魚滑，另加蟹籽。店員仲特登提醒我哋淥兩分鐘就好食啦，唔係就會太淋。果然時間啱啱好，墨魚滑熟咗，油炸鬼唔會淋到一Pat野咁，蟹籽仲脆卜卜，口感非常唔錯。仲叫咗個四川苕粉，其實好似紅薯寬粉咁樣，淥熟咗就煙煙韌韌，
叫咗個雞胸半份，辣到揀咗中辣，今晚想刺激啲，哈哈。點知真係辣到飛起，下次都係叫返小辣怡情算啦。雞胸完全去晒骨，雞肉大大嚿，但一啲都唔鞋，好好食真心正！另外豬皮都非常吸引，吸晒啲湯汁。如果可以加埋蜂巢豆腐就Perfect啦，又係另一吸汁食物。因為中辣實在太辣啦，我哋食啲雞食咗三分之二，就請店員幫我地加湯。今次叫咗個雞湯，因為見隔離枱食得好過癮，跟風試吓先。
叫咗筒蠔，百幾蚊有六大隻。淥完一啲都冇縮水仲好大隻啖啖肉。而且蠔肉都算新鮮，唔會一陣臭腥味。
鬼馬墨魚，聽個名都幾得意喎，就叫你試吓先。原來係油炸鬼上面鋪左墨魚滑，另加蟹籽。店員仲特登提醒我哋淥兩分鐘就好食啦，唔係就會太淋。果然時間啱啱好，墨魚滑熟咗，油炸鬼唔會淋到一Pat野咁，蟹籽仲脆卜卜，口感非常唔錯。
仲叫咗個四川苕粉，其實好似紅薯寬粉咁樣，淥熟咗就煙煙韌韌，好有咬口。
最後，黎食辣野點可以冇啲清涼解渴飲品呀，叫咗個竹蔗茅根水，果然夠解辣，飲完爽晒。
張貼
