Bistro La Bon (已結業)

收工想揾間舒服既餐廳同朋友食個飯吹下水，見到觀塘開左間新既餐廳就試一試佢。餐廳好易揾，一入到去覺得好高級，好舒服，唔會太嘈又可以同朋友暢所欲言。我地首先點左個黑松露蘑菇湯，好濃郁既黑松露味，再加埋個餐包，可以中和返個味道。之後再點左個鵝肝黑松露菌燴飯，鵝肝好大塊，份量十足，再加上燴飯好重黑松露味，好好食。之後仲叫左個安格斯牛柳，我地叫左6成熟，一上菜就覺得菜式裝飾得好精緻，至於牛食落去唔錯又唔會太乾。最後叫埋個飲品，我地就揀左bistro la Bon special for two, 佢係清酒溝白桃沙冰，甜甜地，唔會好濃既清酒味，易入口，岩女仔飲。