玄鮨 (已結業)

終於約到個好耐冇見嘅朋友，我同佢去咗玄鮨食餐好，午市嘅商務版omakase好抵食，$1200+10%一位。因為好耐冇見好多嘢傾，所以就冇坐bar枱睇住師傅整了。前菜北海道赤海參：好爽口。蟹膏豆腐：豆腐有好濃溉蟹味同好滑，仲有松葉蟹肉添。刺身 生蠔：處女蠔新鮮同清甜，開胃之選。鰝鰺魚：深海池魚最高級嘅一款，銀雪魚：日本直送刺身級，燒完之後迫晒啲油分出嚟，亦都好彈牙。卷物：兩件吞拿魚，分別係大拖羅同赤身。拖羅肥美，赤身爽口，加咗啲菜都幾特別。熟食鐵板牛油大蝦：隻蝦好大好惹味，仲有帶子同大大粒冬菇，用牛油煮好香。壽司 帆立貝：厚切好有口感，同埋夠新鮮。金目鯛：質感鮮嫩，肥而不膩。牡丹蝦：有啲微暖所以要食咗先，隻蝦好彈牙、鮮味濃郁。海膽：嚟自北海道根室，甘甜新鮮。劍魚腩：肉質柔軟又甜，但口感富有彈性。和食 魚湯烏冬：味道十分鮮甜，正到飲曬啲湯，烏冬好煙韌。甜品芝士蛋糕：最後食返個甜品好滿足，軟綿綿。