影片
更多
2017-02-23
257 瀏覽
美式快餐一向都予人一種大吃大喝，輕鬆暢飲，開懷大吃嘅感覺。而Burger更係有一種魔力，令人放下儀態， 捨棄刀叉，大口吃下。呢間位於尖沙咀美麗華嘅《Burgeroom》，主打美式漢堡包， 以高質素嘅漢堡包，同埋唔同嘅口味作招徠。除咗有漢堡之外， 仲有一啲酒類作為點綴。呢排就推出咗三隻唔同國家嘅手工啤酒， 分別係來自比利時嘅【Celis White 】$58, 呢款白啤味道清新唔苦澀， 大有一陣檸檬同埋橙皮嘅香氣， 麥味雖然唔係好重， 但勝在爽口， 用嚟配以較為油膩嘅漢堡包， 可以中和一下味蕾。第二款同樣係來自比利時嘅Rose啤酒【Wittekerte Rose】， 啤酒嘅顏色鮮豔亮麗， 桃紅色嘅酒色配上細緻嘅泡沫， 加埋玻璃杯上嘅唇印， 簡直令女士神魂顛倒。 而且味道酸中帶甜，果味濃郁， 輕易成為女士選擇。至於小食， 分別就揀咗【洋蔥圈】$42同埋【黑松露芝士薯條】$62。【 炸洋蔥圈】 外皮脆卜卜，裏面嘅洋蔥清甜， 用來做佐酒小食就最適合不過。食漢堡包又點少得薯條，【 黑松露芝士薯條】黑松露味濃郁， 而且幾乎每條薯條都佈滿芝士， 食落非常滋味。至於漢堡包， 大力推介【 龍蝦漢堡】$1
呢間位於尖沙咀美麗華嘅《Burgeroom》，主打美式漢堡包， 以高質素嘅漢堡包，同埋唔同嘅口味作招徠。除咗有漢堡之外， 仲有一啲酒類作為點綴。
呢排就推出咗三隻唔同國家嘅手工啤酒， 分別係來自比利時嘅【Celis White 】$58, 呢款白啤味道清新唔苦澀， 大有一陣檸檬同埋橙皮嘅香氣， 麥味雖然唔係好重， 但勝在爽口， 用嚟配以較為油膩嘅漢堡包， 可以中和一下味蕾。
第二款同樣係來自比利時嘅Rose啤酒【Wittekerte Rose】， 啤酒嘅顏色鮮豔亮麗， 桃紅色嘅酒色配上細緻嘅泡沫， 加埋玻璃杯上嘅唇印， 簡直令女士神魂顛倒。 而且味道酸中帶甜，果味濃郁， 輕易成為女士選擇。
至於小食， 分別就揀咗【洋蔥圈】$42同埋【黑松露芝士薯條】$62。
【 炸洋蔥圈】 外皮脆卜卜，裏面嘅洋蔥清甜， 用來做佐酒小食就最適合不過。食漢堡包又點少得薯條，【 黑松露芝士薯條】黑松露味濃郁， 而且幾乎每條薯條都佈滿芝士， 食落非常滋味。
至於漢堡包， 大力推介【 龍蝦漢堡】$198， 龍蝦漢堡賣相極之吸引， 有原隻嘅大龍蝦， 食落啖啖龍蝦肉， 而且仲有好多新鮮嘅番茄同生菜， 配埋牛油果醬， 味道非常豐富。
另外仲叫咗呢度嘅必食之選【 雙鵝肝牛肉漢堡】$238， 鵝肝用料一啲都唔馬虎， 外層煎得金黃香脆， 咬落一陣騷香。 至於牛肉漢堡非常juicy多汁， 加埋沙律醬， 再配合埋口食番茄同埋新鮮生菜， 令人食唔停口。
呢間《Burgeroom》， 對於鐘情美式快餐嘅朋友， 一定like爆。
張貼
