影片
更多
2024-05-17
35 瀏覽
最近香港新開咗間漢堡扒過江龍，但係我一見到要排隊就冇晒興趣，反而見到有人介紹觀塘都有間本地漢堡扒，就即刻叫埋就快生日嘅朋友去試試啦！日式風格嘅小店裝修簡約得嚟有格調，落單時老闆仲好細心咁介紹醬汁味道，好在我哋目標明確，好快手就叫咗一人一個漢堡扒餐。叫完無幾耐，就聽到漢堡扒已經賣晒喇，可見餐廳受歡迎程度！老闆仲介紹埋是日精選小食，原來每日都有唔同款小食，可以用超抵價$18跟餐加配！［吉列蠔］呢兩隻炸得咁靚嘅吉列蠔都係$18/2隻咋！蠔肉肉質爽甜，炸衣酥脆唔厚粉，剛炸起嚟非常之熱辣辣，非常配合清爽嘅他他醬，中和油膩嘅感覺，胃口小嘅女士都唔使擔心太油淋淋，非常推薦呢個小食😋👍🏻見到隔籬枱嘅紫芋甘栗薯餅都炸得好靚，可惜今餐食得太豐富啦，唯有留返下次再試啦～［手打和牛漢堡扒丼飯 & 手打芝士安格斯漢堡扒丼飯 加 秘製漢堡汁&日式泡菜］等咗一陣終於嚟咗今日主角：兩個漢堡扒餐！識食當然係share一人一半，試晒兩款牛啦！個人覺得安格斯牛比較甘甜、和牛就比較有牛香，兩個都好好味呀！另外個米飯都好好食，煮到啱啱好，呢個硬度索埋個漢堡汁同埋個蛋汁，真係perfect match！我哋仲加咗$5要埋杯蜂蜜綠
日式風格嘅小店裝修簡約得嚟有格調，落單時老闆仲好細心咁介紹醬汁味道，好在我哋目標明確，好快手就叫咗一人一個漢堡扒餐。叫完無幾耐，就聽到漢堡扒已經賣晒喇，可見餐廳受歡迎程度！
老闆仲介紹埋是日精選小食，原來每日都有唔同款小食，可以用超抵價$18跟餐加配！
［吉列蠔］
呢兩隻炸得咁靚嘅吉列蠔都係$18/2隻咋！蠔肉肉質爽甜，炸衣酥脆唔厚粉，剛炸起嚟非常之熱辣辣，非常配合清爽嘅他他醬，中和油膩嘅感覺，胃口小嘅女士都唔使擔心太油淋淋，非常推薦呢個小食😋👍🏻見到隔籬枱嘅紫芋甘栗薯餅都炸得好靚，可惜今餐食得太豐富啦，唯有留返下次再試啦～
［手打和牛漢堡扒丼飯 & 手打芝士安格斯漢堡扒丼飯 加 秘製漢堡汁&日式泡菜］
等咗一陣終於嚟咗今日主角：兩個漢堡扒餐！識食當然係share一人一半，試晒兩款牛啦！
個人覺得安格斯牛比較甘甜、和牛就比較有牛香，兩個都好好味呀！
另外個米飯都好好食，煮到啱啱好，呢個硬度索埋個漢堡汁同埋個蛋汁，真係perfect match！
我哋仲加咗$5要埋杯蜂蜜綠茶，呢個價位簡直良心啦！
老闆話小店接受訂位，但漢堡扒就不設預留。想試嘅朋友記得要早啲嚟喇～
張貼
