Mr. Crab by The Captain's House (已結業)

平時好少黎灣仔食野，今日係特登過黎試新野，因為聽到朋友介紹話好食，就係me crab by the captain’s house！我就好鍾意食蟹，所以就特登過黎呢間分店食！試一試正唔正先得？今日我地lunch時間黎，叫左兩個lunch set！第一個係蟹肉沙律漢堡，個漢堡堅係多蟹肉，份量一啲都唔少，好多蟹肉絲！而且仲有薯片一齊食，辣辣地，好脆口好好食！另外就叫左個法式紅酒配牛面頰！有得揀配麵包或者飯，我地叫左配麵包！牛面頰份量都冇偷工減料，足料又夠淋身！好食！如果辣少少就更好喇！另外仲可以跟餐配餐湯同野飲，抵食！係灣仔呢個地段呢個價錢算合理啦！臨走仲俾我發現外賣自取仲平，平好多，想試又住附近/工作嘅朋友仔，可以一試！