ZEST by Konishi (已結業)

朋友請食飯，揀咗呢度，以前都嚟過同一位置，之前嗰間都好似係食法國菜，喺大廈頂樓，環境唔錯，裝修就冇乜特別，環境算舒服，今晚有七道菜，材料都好豐富，主要法式和日式嘅混合，但都有英式意式，非常國際化，先來Amuse Bouche，日本嚟嘅魷魚仔，放上薄脆，幾開胃；之後係burrata蕃茄，芝士好light，蕃茄夠甜，配上一條類似蛋捲嘅東西，做出唔同口感；跟住佢海鮮，有海膽魚子醬鮑魚，日式風味，賣相唔錯，夠新鮮；Langoustine煮得剛好，肉質靚，夠鮮味；呢隻元朗大嘅平原鷄，個雪茄盒一開真係好香，雞嘅肉質好靚，皮薄，冇肥油；最後嘅Beef Wellington，用日本嘅靚牛，好tender，不過酥皮唔熱，有啲淋；日式甜品有唔同嘅果味配搭，有啫喱有sorbet，好refreshing。服務方面都唔錯，幾精準，不過叫侍應攞啲鹽嚟嘅時候，grinder裏面係完全唔鹽，另外個廁所嘅環境就一般，要注意下啦！