上海婆婆336 (iSQUARE國際廣場)

營業中

休息中

有時同朋友食飯都會選擇上海菜，因為鐘意食佢個小籠包，而岩岩嗰個Happy Firday就係尖沙咀搵咗一間上海餐廳同朋友嚟食，食完就可以順便睇埋戲。餐廳內裡環境都好舒服，晚上六點半左右仲有好多位。餐牌都好精緻，而見到一個拳頭咁大嘅小籠包，一定要揀嚟食啦。蒜泥白肉：簿簿嘅白肉卷著冰凍青瓜條，再加上微辣嘅蒜泥醬汁，真係食到唔停口。大籠包：呢個大籠包真係好有睇頭，成個掌頭咁大，今次真係相機食先，而內裡湯汁亦好鮮甜係一個唔錯嘅選擇。奶油津白：上海菜成日會叫嘅菜式，奶油香滑但唔會蓋過津白嘅味道，食落口好清甜。蔥油拌麵：上枱時要趁熱食，而蔥油亦好香噴噴，拌勻一齊食好好味。醃篤鮮：材料豐富，特別佢個咸肉令個湯更加鮮味，但佢亦唔會過咸，飲完真係一個完美句號。