翡翠潮州小廚 (已結業)

屋企人想食中菜，就揀咗依間係青衣城一期嘅潮州餐館食晚餐。依度雖然地方唔太大，但係就有超高樓底，空間感十足，唔會有壓迫嘅感覺，枱與枱之間都有足夠空間。至尊滷水鵝拼盤食潮州嘢當然唔少得滷水鵝。依個拼盤有齊滷水鵝片、鵝件丶鵝腸丶鵝肝丶鵝腎同豆腐，份量十足。鵝片醃得夠入味，滷水亦唔會太鹹。方魚炒芥蘭芥蘭炒得唔會太淋，加上趣卜卜嘅方魚，正合我心意。欖菜香蔥肉碎炒飯叫嗰陣都有擔心啲欖菜會太過咸，好彩整體效果唔錯，如果炒得再乾身少少就更加好啦。馬蹄綠豆爽冬天最啱食啲中式甜品滋潤吓，依個甜品唔係太甜，啱晒我哋胃口，亦都食到馬蹄嘅清香。另外值得一提嘅係，店員普遍都幾有禮貌，亦有主動問我地餸菜啱唔啱我哋胃口，同埋我哋臨走時，介紹咗佢哋嘅午市同下午茶套餐，服務值得一讚。下次嚟嘅話，會想試下佢個砂鍋海鮮蠔仔粥。