拉麵天王

營業中

休息中

去紅磡見到間拉麵舖，就想入去試下，未入去隔住窗，見到有D員工好攰僕係台面休息，都唔係咁想打擾佢地，所以決定行多陣先入去。隔左陣我地就入去坐。同其他拉麵店一樣，都係提供一張紙俾我地自己揀口味、湯嘅濃度、麵嘅硬度等等。咁我同男朋友不嬲都食開豬骨湯嘅拉麵，所以今次都唔例外，叫左兩碗白天王，並且叫多隻味蛋。咁等左唔洗好耐，個白天王就到，而隻蛋就分開上。咁碗湯嘅湯底都幾濃，有好香嘅豬骨味。加上，碗麵有好多唔同配料，例如黑木耳、椰菜等等，好抵食。而隻蛋亦都煮得剛剛好，蛋黃係有D流心，正。下次再黎一定會再食番白天王。